Чой аёлларда суякларнинг зичлигини оширади
Мунтазам чой истеъмоли кекса аёлларда суяк зичлигини оширади. Бундай хулосага Флиндерс университети (Австралия) олимлари остеопороз синишларни 10 йил давомида ўрганиш давомида эришдилар. Тадқиқот Nutrients журналида чоп этилди. Тадқиқотда 65 ёшдан ошган 9704 нафар аёл иштирок этди. Ўн йил давомида иштирокчилар сон суягининг минерал зичлиги бир неча марта ўлчанди ва уларнинг кундалик чой ва қаҳва истеъмоли қайд этилди.
Натижалар шундан далолат бердики, чойни ёқтирувчи аёлларда сон қисмида суяк зичлиги юқори бўлган — фарқ тахминан 0,003 г/см²ни ташкил қилган, бу статистик жиҳатдан аҳамиятли, аммо алоҳида бемор учун сезиларли эмас.
Ўртача қаҳва суяк зичлигига сезиларли таъсир кўрсатмаган, аммо бир кунда беш стакандан ортиқ истеъмол қилинганда суяк зичлиги пасайиш тенденцияси кузатилган.
Қўшимча таҳлил шуни кўрсатдики, кўп миқдорда алкоголли ичимлик истеъмол қилган аёлларда қаҳва сон суяги зичлигини камайтирган. Чой эса, аксинча, ортиқча вазнга эга аёлларда суяк тўқимасини мустаҳкамлашга ёрдам берган.
Бироқ, муаллифлар олинган натижалар кузатув харатерига эга эканлигини таъкидламоқда.
- 27 Ноябрь, 09:14
-
Батафсил
