Yangi dori preparati organizmni yoshartirishga yordam beradi
Xitoy qarish jarayonini sekinlashtirishi mumkin bo‘lgan dori vositasini muvaffaqiyatli sinovdan o‘tkazdi.
Cell jurnaliga ko‘ra, u immunitet tizimini rag‘batlantiruvchi va tananing yangilanishiga xalaqit beradigan qarish hujayralarini tozalashga yordam beradigan inyeksiyani o‘z ichiga oladi. Yangi preparat ilmiy jihatdan modifikatsiya qilingan, yoshga bog‘liq o‘zgarishlarga chidamliligi oshirilgan ildiz hujayralar asosida yaratilgan. Inyeksiyadan so‘ng, organizm yangilanish jarayonini boshlaydi, bu ham tashqi ko‘rinishga, ham teri, soch va tirnoqlarning holatiga, ham ichki organlar va miya faoliyatiga ijobiy ta’sir ko‘rsatadi. Mutaxassislar 12 haftalik sinovlar natijasiga qarab, organizmning taxminan yetti yilga yosharishiga teng bo‘lgan yaxshilanish holatini qayd etdilar. Shuningdek, preparatning reproduktiv tizimga ham ijobiy ta’siri kuzatilgan. Nature Aging ma’lumotlariga ko‘ra, qarigan hujayralarni yo‘q qiluvchi senolitik dorilarni qo‘llash turli mamlakatlarda faol o‘rganilmoqda. Biroq, ushbu ishlanmalarning aksariyati hali ham klinikadan oldingi sinovlarda va keng qo‘llanilishi samaradorlik hamda xavfsizlikni tasdiqlashni talab qiladi.
