Ру O’z Ўзб Eng
+998 71 228-06-96

+998 78 120-16-61

1002
Ру Ўзб O'z En
not found
Кенгайтирилган қидирув

    АК "Dori - Darmon" -
    бизга ишонч билдирар ёшу-қари!

    not found

    Бизнинг вазифамиз - арзон ва хавфсиз дори-дармонлардир

    not found
    not found
    not found
    not found

    Интерактив хизматлар

    Хизматни танланг

    not found

    Бўш иш ўринлари
    not found

    Мурожатлар статистикаси (IVR тизими)
    not found

    Жисмоний ва юридик шахсларнинг мурожатлари

    Янгиликлар

    Компаниямиз янгиликларини кузатиб боринг!

    Барчаси
    not found

    Инсоният ҳаёти ва саломатлигига таҳдид солувчи 10 та вирус

    Баъзи вируслар миллионлаб одамларни зарарлайди, аммо нисбатан кам сонли ўлим ҳолатларига олиб келади. Бошқалари эса анча кам тарқалади, бироқ улар билан зарарланганлар учун анча хавфли ва ўлим даражаси юқори бўлади. Ушбу шарҳда касалланганлар орасида ўлим кўрсаткичи бўйича сараланган энг хавфли 10 та вирус тақдим этилган. Рўйхатнинг мутлақ “етакчиси” — қутуриш: симптомлар пайдо бўлганидан кейин ўлим эҳтимоли деярли 100 фоизга яқинлашади. Маълумотлар турли манбалардан жамланган, жумладан: Жаҳон соғлиқни сақлаш ташкилоти (ЖССТ), Британия Колумбияси (Канада) касалликларни назорат қилиш маркази, Австралия ҳукумати, Европа касалликларнинг олдини олиш ва назорат қилиш маркази (ECDC), Reuters ахборот агентлиги ва Буюк Британия ҳукуматидан. Қутуриш ҳар йили тахминан 59 000 кишининг ҳаётига зомин бўлади: асосан Африка ва Жануби-Шарқий Осиё мамлакатларида. Вирус асосан зарарланган ҳайвонларнинг сўлаги орқали — кўпинча итлардан юқади. Самарали вакцина мавжуд бўлишига қарамай, қутуриш ҳали ҳам минглаб ўлимларга сабаб бўлмоқда. Асосий сабаб — таъсирдан кейинги профилактика (постконтакт профилактика) ва ўз вақтида даволанишга кириш имконияти чеклангани. Рўйхатдаги бир нечта вируслар вирусли геморрагик иситмаларни келтириб чиқаради — жумладан Эбола, Марбург ва Конго–Қрим геморрагик иситмаси. Бу касалликлар кўпинча оғир ички қон кетишлар ва аъзолар етишмовчилиги (органлар ишдан чиқиши) билан кечади. Эбола ва Марбург вирусларининг леталлиги тахминан 50 фоизга етиши мумкин. Уларнинг эпидемик авж олиши асосан марказий ва жанубий Африка мамлакатларида кузатилади. Фақат 2014–2016 йилларда ғарбий Африкадаги Эбола эпидемиясининг ўзи 11 000 дан ортиқ инсоннинг ҳаётига зомин бўлган ва бу воқеа эпидемияларга тайёргарлик масаласига бутун дунё эътиборини тортган. Асосан кана ва қишлоқ хўжалиги ҳайвонлари орқали юқадиган Конго–Қрим геморрагик иситмаси анча кенг ҳудудларда — Евросиё ва Африкада тарқалган. Леталлиги 10–40 фоиз оралиғида бўлиб, ҳар йили 1 000–2 000 та ўлимга сабаб бўлади. Ушбу рейтингдаги вирусларнинг аксарияти зооноз — яъни ҳайвонлардан инсонга ўтадиган келиб чиқишга эга. Мевахўр кўршапалаклар Нипах ва Марбург вирусларининг табиий резервуари ҳисобланади, кемирувчилар Лухо вируси билан боғлиқ, бир ўркачли туялар эса 2012 йилда Саудия Арабистонида илк бор аниқланган MERS-CoV'нинг асосий манбаи саналади. Парранда гриппи (H5N1)  зарарланган қушлардан юқади ва одамларда тасдиқланган ҳолатлар орасида ўлим кўрсаткичи тахминан 50% ни ташкил этади — бу мавсумий гриппга қараганда анча юқори. Одамга юқиш ҳолатлари нисбатан кам учраса-да, ўлим даражасининг шунчалик юқорилиги жаҳон соғлиқни сақлаш ташкилотларини доимий равишда юқори ҳушёрлик ҳолатида ушлаб турибди.

    • 25 Февраль, 08:52
    • Батафсил
    not found

    2026 йилда қайси фармацевтик мутахассисликларга талаб юқори бўлади

    Фармацевтика соҳасидаги кадрлар билан ишлашга масъул мутахассислар 2026 йилда илмий-тадқиқот ва ишлаб чиқариш ходимларининг етишмаслиги муаммосини ҳал қилишга эътибор қаратишлари керак бўлади. Аввало, гап тадқиқот ва ишланмалар тажрибасига эга бўлган кимёгарлар, технологлар ва микробиологлар ҳақида бормоқда. Бу дори воситаларини ишлаб чиқиш лойиҳалари сони ортиб бораётгани билан боғлиқ. Ишлаб чиқариш қувватларининг кенгайиши ва регулятор талабларининг кучайиши фонида сифат бўйича мутахассисларга бўлган талаб ошади. Шунингдек, тадқиқотлар ва ишлаб чиқариш жараёнларини рақамлаштириш мақсадида IT мутахассислари — сунъий интеллект (AI) ишлаб чиқувчилари, BI ва Data Science мутахассисларига ҳам эҳтиёж ортиб боради. Умуман олганда, иш берувчилар меҳнат бозорига кенгроқ назар ташлашга ва қўшни соҳалардан, жумладан кимё саноати ва нефтьни қайта ишлаш тармоғидан номзодларни кўриб чиқишга тайёр. Шунингдек, ёши каттароқ мутахассислар ҳамда ихтисослашган таълимга эга битирувчиларга нисбатан ҳам қизиқиш ортиши кутилмоқда. Кадрлар етишмовчилиги шароитида малакали ходимларни сақлаб қолиш муҳим вазифа бўлиб қолмоқда.

    • 24 Февраль, 09:00
    • Батафсил
    not found

    Рамазон ва тиббий ёндашув: кимлар эҳтиёт бўлиши керак?

     Жаҳон соғлиқни сақлаш ташкилоти Рамазон рўзасини тутишда соғлиқ билан боғлиқ айрим масалаларга ҳам эътибор қаратишни тавсия қилади. Унга кўра, қандли диабет билан оғриганлар, ҳомиладор аёллар ва сурункали хасталиги бор шахслар рўза тутиш масаласида шифокор билан маслаҳатлашиши зарур. Жамоат намозлари ва шу каби йиғинлардаги яқин мулоқот нафас йўллари инфекцияларининг тарқалиш хавфини ошириши мумкин. Бундай вазиятларда оддий санитария қоидаларига амал қилиш орқали соғлиқни асраш мумкин. Қандли диабет Шарқий Ўртаер денгизи минтақасида энг кенг тарқалган касалликлардан бири ҳисобланади. Масалан, Мисрда 9 миллиондан ортиқ киши диабет билан яшайди ва носоғлом турмуш тарзи сабаб бу кўрсаткич ўсмоқда. Мутахассислар диабетга чалинганларга Рамазонда шифокор билан маслаҳатлашиб, хавфсиз рўза режасини тузишни тавсия этади. Қондаги қанд миқдорини мунтазам ўлчаш, ифторлик вақтида соғлом овқатланиш, шакар ва ёғни чеклаш, етарлича сув ичиш ҳамда енгил жисмоний машқлар билан чекланиш керак бўлади. Бу йил Рамазон грипп мавсумига тўғри келмоқда. Шу боис йўтал ва аксиришда оғизни тирсак билан ёпиш, қўлларни тез-тез ювиш, бетоб ҳолатда оммавий жойларга бормаслик ва шифокор тавсия қилган дори-дармонларни қабул қилиш зарур. Қариялар, ҳомиладор аёллар ва иммунитети паст шахслар юқори хавф гуруҳига киради. Эмланиш, шахсий гигиена ва тиббий маслаҳатларга амал қилиш Рамазонни хавфсиз ўтказишга ёрдам беради. Қиш мавсумида сув истеъмолини назорат қилиш ва етарлича суюқлик қабул қилиш ҳам муҳимдир. Ҳомиладор ва эмизикли аёллар рўза тутиш масаласини шифокор билан маслаҳатлашган ҳолда ҳал этиши лозим. Соғлом аёллар одатда рўзани асоратсиз тутиши мумкин, бироқ овқатланиш мувозанатли бўлиши шарт. Ифтор ва саҳарликда углеводлар, оқсил, витамин ва минералларга бой маҳсулотлар истеъмол қилиш, кўпроқ мева-сабзавот ейиш, сувсизланишнинг олдини олиш талаб этилади. Ҳомила ҳаракатининг камайиши, кучли қайт қилиш ёки ҳушдан кетиш каби ҳолатларда зудлик билан шифокорга мурожаат қилиш керак. Соғлом овқатланиш қоидалари Мутахассислар оғизни хурмо билан очишни тавсия қилади — у толага бой манба ҳисобланади. Кунига камида 10 стакан сув ичиш, шўрва, тарвуз ва кўкатли салатлар каби суюқликка бой таомларни танлаш фойдали. Қовурилган ва қайта ишланган ёғли маҳсулотлардан сақланиш, тўлиқ донли маҳсулотлар ва пиширилган ёки грилда тайёрланган гўштни афзал кўриш керак. Овқатни шошилмасдан истеъмол қилиш ортиқча ейишнинг олдини олади. Саҳарлик енгил, аммо тўйимли бўлиши айниқса қариялар, ўсмирлар ва ҳомиладорлар учун муҳим. Бу ой чекишни ташлаш учун қулай фурсат ҳисобланади. Дунёда 1,3 миллиард тамаки истеъмолчиларининг 80 фоиздан ортиғи паст ва ўрта даромадли мамлакатларда яшайди. Мутахассислар бу ойда тамаки ва никотин маҳсулотларидан бутунлай воз кечишга чақирмоқда. Чекишни ташлаган шахсда 5 йил ичида инсульт хавфи чекмайдиган одам даражасига тушади. Шу боис, Рамазон соғлом ҳаётга қадам қўйиш имконияти дегани. Рамазон — жамиятда ҳамжиҳатликни мустаҳкамлаш ойи. Хайрия ишларида кўнгилли сифатида иштирок этиш, яқинлар билан самимий мулоқот қилиш ва эҳтиёжмандларга ёрдам бериш руҳий барқарорликни оширади. Шу билан бирга, ўз саломатлигингизга ҳам эътибор беринг. Стрессни камайтириш, зарарли одатларни қисқартириш ва аниқ мақсад қўйиб, уларга босқичма-босқич эришиш соғлом турмуш тарзини шакллантиради.

    • 23 Февраль, 16:22
    • Батафсил
    not found

    Қулоқчинларда саратонни келтириб чиқариши мумкин бўлган моддалар аниқланди

    Қулоқчинлар бўйича ўтказилган тадқиқотда синовдан ўтказилган қурилмалар таркибида инсон саломатлиги учун эҳтимолий хавфли моддалар мавжудлигини кўрсатди. Улар орасида онкологик касалликлар ривожланиши, нейроривожланишдаги бузилишлар ҳамда гормонал мувозанат издан чиқиши билан боғлиқ бўлган кимёвий бирикмалар ҳам бор. Таҳлил турли ишлаб чиқарувчиларнинг қурилмаларини қамраб олди, жумладан Bose, Panasonic, Samsung ва Sennheiser маҳсулотлари ҳам ўрганилди. Бу ҳақда The Guardian нашри хабар берди. Таҳлил учун тадқиқотчилар Чехия, Словакия, Венгрия, Словения ва Австрияда сотилган 81 та ички каналли ва тўлиқ ўлчамли қулоқчин моделини, шунингдек Shein ва Temu онлайн платформалари орқали сотилган маҳсулотларни харид қилди. Лаборатория синовлари натижаларига кўра, текширилган барча намуналарда хавфли моддалар аниқланган. Намуналарнинг 98 фоизида бисфенол A (BPA), учдан тўрт қисмидан кўпроғида эса бисфенол S (BPS) аниқланган. Бу моддалар пластикнинг қаттиқлигини ошириш учун қўлланилади ва эстроген гормони таъсирини тақлид қилиши мумкин. Шу боис улар саратон касаллиги ривожланиши хавфи, қизларда эрта жинсий балоғатга етиш ҳамда эркакларда гормонал бузилишлар билан боғлиқ бўлиши эҳтимоли мавжуд. Аввалги тадқиқотлар бисфеноллар синтетик материаллардан терга ўтиши ва тери орқали организмга кириб бориши мумкинлигини кўрсатган. Бундан ташқари, қурилмаларда репродуктив тизим учун заҳарли деб ҳисобланадиган фталатлар, жигар ва буйракларга зарар етказиши мумкин бўлган хлорланган парафинлар, шунингдек эндокрин тизимни бузувчи хусусиятга эга бўлган бромланган ва органофосфатли антипиренлар ҳам аниқланган. Ушбу бирикмаларнинг аксарияти жуда кам миқдорларда топилган. Мутахассислар таъкидлашича, гарчи бир марталик доза кичик бўлиши мумкин бўлса-да, турли манбалардан доимий йиғилиб, «коктейль эффекти» деб аталувчи ҳолатни юзага келтириши мумкин. Бу эса узоқ муддатли саломатлик хавфларини оширади. Чунки бугунги кунда қулоқчинлар ҳар куни бир неча соат давомида тақиб юриладиган қурилмага айланган, дейишмоқда тадқиқотчилар.

    • 20 Февраль, 09:00
    • Батафсил
    not found

    Давлат ташкилотлари дори-дармон ва тиббий жиҳозлар сотиб оладиган ягона платформа яратилади

    Савдо-саноат палатаси биносида давлат харидларида иштирок этувчи тадбиркорлар ва ташкилотлар иштирокида очиқ мулоқот бўлиб ўтди.  Тадбир давомида давлат харидлари жараёнидаги долзарб масалалар муҳокама қилинди, очиқлик ва шаффофликни таъминлаш ҳамда тадбиркорлар учун қулай шарт-шароит яратиш борасида муаммо ва таклифлар ўрганилди. Соғлиқни сақлаш вазири ўринбосари Фарҳод Тошпулатовнинг маълум қилишича, Ўзбекистонда давлат буюртмачилари дори-дармон ва тиббий буюмлар харид қиладиган ягона платформа ишлаб чиқилмоқда.  Вазирлик расмийсининг тушунтиришича, давлат харидлари электрон тизимида “Farma.xarid.uz” модули ишлаб чиқилмоқда. “Тиббиёт йўналишидаги барча платформаларни бир жойга жамлаяпмиз. Ҳозир маҳсулотларни кимдир дўкондан оляпти ёки турли платформалардан фойдаланяпти. Биз барчасини бир жойга йиғамиз. Бу бўйича иш кетяпти”, деди вазир ўринбосари. Ҳукумат қарорига асосан, 2026 йил 1 мартдан янги модулдан фойдаланиб давлат харидларини амалга ошириш Андижон ва Наманган вилоятларида йўлга қўйилади. Июль ойидан эса механизм бутун республика бўйча мажбурий тарзда жорий этилади. 2026 йил 1 июлдан эътиборан фармацевтика йўналиши бўйича давлат харидларида қатнашиш учун: дориларни ишлаб чиқарувчилар GMP сертификатига; тиббий жиҳозлар ишлаб чиқарувчилар ISO:13485 сертификати; дориларни улгуржи сотувчи дистрибюторлар GDP сертификатига эга бўлиши шарт. Ўз навбатида маҳсулотлар сертификат ва гувоҳнома амал қилаётган даврда ишлаб чиқарилган бўлиши талаб этилади.  Янги модулда фармацевтика маҳсулотларининг бошланғич нархини қўшни давлатлардаги ўртача нархлар билан таққослаш имкони ҳам яратилади.

    • 19 Февраль, 11:30
    • Батафсил
    not found

    Битмайдиган яралар учун ампутациянинг олдини олувчи гель ишлаб чиқилди

    Калифорния университети олимлари жароҳат ичида тўғридан-тўғри кислород ишлаб чиқарадиган ва ампутацияга олиб келиши мумкин бўлган сурункали жароҳатларнинг битишини тезлаштирадиган гел ишлаб чиқди. Тадқиқот натижалари Communications Materials (ComMat) журналида эълон қилинди. Сурункали яралар - бу бир ойдан ортиқ вақт давомида битмайдиган яралар. Дунё бўйлаб тахминан 12 миллион киши улардан азият чекади, деярли ҳар беш бемордан бири охир-оқибат ампутацияга муҳтож бўлади. Ампутация (лот. amputatio — кесиш) — бу касаллик, шикастланиш ёки диабедт, хавфли ўсмалар сабабли тана аъзосининг (одатда қўл ёки оёқнинг) бир қисми ёки бутунлай жарроҳлик йўли билан кесиб ташланишидир. Ушбу амалиёт ҳаётни сақлаб қолиш ва гангрена каби оғир асоратларнинг олдини олиш учун охирги чора сифатида қўлланилади. Тадқиқотчилар ярани ёмон битишнинг асосий сабабларидан бири сифатида гипоксияни — яъни шикастланган тўқималарнинг чуқур қатламларида кислород етишмаслигини кўрсатишмоқда. Жамоа сув ва холин асосида юмшоқ, эластик гел ишлаб чиқди, бу антибактериал хусусиятларга эга биомослашувчан бирикма. Гельни кичик батарея билан бирлаштирганда, модда кичик электрокимёвий тизимга айланади, сув молекулаларини парчалаб, доимий кислород оқимини таъминлайди. Гель яранинг чуқурчаларини тўлдиради ва қотишидан аввал унинг шаклини аниқ такрорлайди. Бу кислородни айнан унинг миқдори энг кам бўлган ва инфекция хавфи энг юқори бўлган жойларга етказиш имконини беради. Тизим кислородни доимий равишда бир ойгача етказиб тура олади — бу ҳаётий аҳамиятга эга муддат, чунки янги қон томирлари шаклланиши бир неча ҳафтани талаб қилади. Тажрибаларда қандли диабетга чалинган сичқонларнинг битмаган яраларини даволашда ҳафтада алмаштириладиган кислородли пластердан фойдаланилганда, яралар ўртача 23 кун ичида ёпилди. Муаллифлар кислородни назоратли етказиш нафақат сурункали яраларни даволаш учун, балки сунъий тўқималар ва органларни яратишда ҳам муҳим аҳамиятга эга эканлигини таъкидлашди.

    • 19 Февраль, 09:00
    • Батафсил
    not found

    Қандли диабет асоратлари ривожланишининг яширин омили аниқланди

    Кенг кўламли халқаро тадқиқот шуни кўрсатдики, жисмоний фаолликнинг пастлиги 2-тоифа диабетдаги асоратларнинг 10 фоизигача ривожланишига сабаб бўлиши мумкин. Тадқиқот натижалари Journal of Sport and Health Science (JSHS) журналида эълон қилинди. Жисмоний фаоллик етишмаслиги қуйидагилар билан боғлиқ:• Инсульт ҳолатларининг 10,2%• Диабетик ретинопатиянинг 9,7%• Юрак етишмовчилигининг 7,3%• 2-тур қандли диабет билан оғриган беморларда юрак ишемик касаллигининг тахминан 7%. Камҳаракат турмуш тарзи — бу ҳафтасига 150 дақиқадан кам ўртача жисмоний юклама (тез юриш, велосипед ҳайдаш, сузиш ва ҳ.к.). Муаллифлар таъкидлашича, асоратлар кўпинча «муқаррар» деб қабул қилинади, аммо уларнинг маълум қисмини қиммат технологияларсиз ҳам — мунтазам ҳаракат ҳисобига олдини олиш мумкин.

    • 18 Февраль, 13:34
    • Батафсил
    not found

    Электрон сигареталар ўсмирларда мия ривожланишига салбий таъсир кўрсатади

    Жорий йил 1 март санасидан бошлаб юртимизда электрон сигареталар муомаласи тақиқланади. Мамлакатимизда электрон сигареталар муомаласининг тақиқланиши, аҳоли, айниқса ёшлар саломатлигини муҳофаза қилишда муҳим қадам бўлади.  Чунки маълумотларга кўра, электрон сигареталар суюқлиги таркибида никотин миқдори одатий сигаретадан камида 66 мартагача кўпроқ бўлиши мумкин ёки 3 та қути сигаретадаги никотин миқдорига тенг. Бундан ташқари, уларда канцероген, заҳарли 80 хил кимёвий бирикмалар ва оғир металлар мавжуд бўлиб, улар инсон соғлиғи ва атроф-муҳитга жиддий хавф туғдиради. Хусусан, никотинга қарамлик ўсмирларда мия ривожланишига салбий таъсир кўрсатиб, билим ва қобилият пасаяди, руҳий агрессивлик ва бронх-ўпка яллиғланишига олиб келади. Шунингдек, марказий нерв, ошқозон-ичак тизимлари, буйрак ва жигар функцияси бузилиши, гипертония, инсульт, инфаркт каби юрак-қон томир касалликлари ривожланиш хавфи юқори. Кўпгина замонавий электрон сигареталар аэрозолига сариёғ ва сметана ҳиди берувчи диацетил моддаси қўшилади. Ушбу модда нафас олинганда ўпканинг майда ғовак тўқимаси – бронхиолаларнинг беркилишини келтириб чиқариши мумкин. Тиббий амалиётда бундай ҳолат облитерацияловчи бронхиолит (“бодроқсимон ўпка” касаллиги) деб аталади. Электрон сигарета чекадиганларда қарамлик одатдаги чекувчиларга нисбатан тезроқ ривожланади. Тадқиқотлар кўрсатишича, ҳам анъанавий тамаки, ҳам электрон сигарета чекувчи ёшларнинг 64 фоизидан ортиғида никотинга қарамлик белгилари кўпроқ намоён бўлади. Дунё мамлакатларида электрон сигареталар муомаласини ҳуқуқий жиҳатдан тартибга солишда турлича ёндашилади. Хусусан, бугунги кунда 37 та давлатда унинг муомаласи тақиқланган. Улар орасида Бразилия, Норвегия, Сингапур, Туркия, Ҳиндистон, Эрон, Қозоғистон, Туркманистон, Қирғизистон бор. Шунингдек, Бельгия, Буюк Британияда бир марталик электрон сигареталарни сотиш ман қилинган.

    • 16 Февраль, 10:00
    • Батафсил
    not found

    Реимбурсация дастури: Давлат тиббий суғуртаси орқали аҳолига берилаётган бепул дори воситалари

    Миллий матбуот марказида “Реимбурсация дастури: давлат тиббий суғуртаси орқали аҳолига берилаётган дори воситалари” мавзусида матбуот анжумани бўлиб ўтди. Унда Соғлиқни сақлаш вазирлиги, Давлат тиббий суғуртаси жамғармаси, “Дори-дармон” акциядорлик компанияси, Фармацевтика маҳсулотлари хавфсизлиги маркази масъуллари ва оммавий ахборот воситалари вакиллари иштирок этди.  Матбуот анжуманида "Дори-Дармон" АК чакана савдони ривожлантириш директори Абдувоҳид Инагамов   реимбурсация тизими доирасида компанияда олиб борилаётган ишлар ҳақида маълумотлар берди. Ўзбекистон Республикаси Президентининг 2024 йил 5 сентябрдаги ПҚ-311-сон “Давлат тиббий суғурта механизмларини жорий этишга оид чора тадбирлар тўғрисида” ги Қарорига асосан тиббий суғурта механизмлари доирасида вилоятларда, хусусан Сурхондарё, Фарғона, Андижон, Наманган, Тошкент ва Жиззах вилоятларида  электрон рецепт тизимини жорий этиш, дорихона ва дорихона шохобчаларини реимбурсация дастурига улаш ишлари олиб борилмоқда.  Бугунги кунда “Дори-Дармон” акциядорлик компанияси ва унинг тизимидаги жамиятларга қарашли 481 та дорихона ва дорихона шохобчаларида реимбурсация дастури мавжуд. Хусусан, “Қарақалпақ Даъри-Дармақ”нинг 18 та, “Бухоро Дори-Дармон”нинг 104 та,  “Хоразм Дори-Дармон”нинг 89-та, “Самарқанд Дори-Дармон”нинг 58 та, “Навоий Дори-Дармон”нинг 39 та, “Қашқадарё Дори-Дармон” нинг 48 та, “Андижон Дори-Дармон”нинг 9 та, “Сурхон Дори-Дармон”нинг 23 та дорихонасидан электрон рецепт асосида дори воситалари олиш мумкин. Бундан ташқари Сирдарё минтақавий бўлинмамизда 47 та ва Тошкент шаҳрида компаниянинг 32 та ва “Ўзбекистон Дори таъминоти”нинг 14 та дорихона ва дорихона шохобчалари ҳам реимбурсация дастури бўйича иш олиб бормоқда.  Ва бу ишлар барча вилоятлардаги жамиятларимизда изчиллик билан давом эттирилмоқда. Яқин кунларда Фарғона,  Наманган, Тошкент ва Жиззах вилоятларида ҳам ҳудудий жамиятларимизга қарашли дорихоналар реимбурсация асосида иш олиб боришни бошлайди. 2025 йил давомида компания ва ҳудудлардаги жамиятларимизнинг реимбурсация дастурига уланган дорихоналари орқали, тезкор маълумотларга кўра, 28,3 млрд сўмлик дори воситалари электрон рецепт орқали беморларга бепул берилди. Ҳозирда  реимбурсация дастурига  гипертония, юрак-ишемик касаллиги, қандли диабетнинг 2 тури, бронхиал астма ва ўпканинг сурункали обструктив хасталиги киритилган бўлиб, уларга чалинган беморларга  оилавий шифокор ёзган электрон рецепт асосида дорихоналар орқали 28 турдаги дори-дармонлар бепул берилмоқда. Тавсия қилинаётган дорилар сурункали касалликка чалинган беморларга амбулатор шароитда даволаниши, касалланиш даражасини камайтириш учун қўлланилибгина қолмай, сурункали касалликларнинг белгилари ва асоратларини камайтиришга, беморнинг ҳаёт сифатини яхшилашга хизмат қилади. Матбуот анжуманида А. Инагамов қуйидагиларни алоҳида таъкидлади: - Шу ўринда тушунтириш бермоқчиман, Реимбурсация асосида кафолатланган пакет доирасида электрон рецепт билан бериладиган дори воситалари дорихоналар томонидан аҳолига бепул тақдим этилади ва қилинган сарф-харажатлар дорихоналарга Давлат тиббий суғуртаси жамғармаси томонидан тўлаб берилади.  2025 йил 16 декабрдан дорихоналар орқали электрон рецепт билан берилаётган антибиотиклар ва тизимли таъсир этувчи синтетик антибактериал дори воситалари ҳамда гармонал дори воситалари эса беморлар томонидан харид қилинади.  “Электрон рецепт” модулининг моҳияти шундаки, тизим дориларнинг дозаси ва шаклини ҳисобга олган ҳолда Халқаро патентланмаган номи билан электрон рецепт ёзишни таъминлайди. Рецепт асосида дорини маркировка қилинган ҳолда сотиш имконини беради. Барча жараёнлар автоматлаштирилади, инсон омили камаяди. Беморлар DMED мобил илова орқали ўз рецептларини кузатиб бориши мумкин бўлади.

    • 10 Февраль, 17:00
    • Батафсил
    not found

    Антидепрессантлар Паркинсон касаллигини секинлаштириши мумкин — олимлардан янги тадқиқот

    Олимлар олиб борган янги тадқиқотлар айрим антидепрессантлар нафақат руҳий ҳолатни яхшилаш, балки Паркинсон касаллигининг ривожланишини секинлаштиришда ҳам фойдали бўлиши мумкинлигини кўрсатди. Паркинсон касаллиги — марказий асаб тизимининг сурункали касаллиги бўлиб, у асосан ҳаракат бузилишлари, қўл-оёқ титраши, секин ҳаракатланиш ва фикрлаш қобилиятининг пасайиши билан намоён бўлади. Касалликнинг асосий сабабларидан бири мия ҳужайраларида α-синуклеин деб аталувчи оқсилнинг тўпланишидир. Бу жараён нейронларга зарар етказиб, дофамин ишлаб чиқарилишини камайтиради. Қозон илмий маркази олимлари ушбу оқсилга таъсир кўрсата оладиган дори воситаларини ўрганишди. Тадқиқот натижаларига кўра, трициклик антидепрессантлар — имипрамин, амитриптилин ва доксепин — α-синуклеиннинг зарарли шаклга айланишини тўхтатиши мумкин. Айниқса, имипрамин энг юқори самара кўрсатган. Илмий иш жараёнида замонавий усуллар — ЯМР спектроскопияси ва молекуляр моделлаштириш қўлланилди. Олимлар аниқлашича, антидепрессант молекулалари оқсил билан бир нечта йўл орқали боғланиб, уни барқарор ҳолатда сақлайди ва тўпланишини секинлаштиради. Муҳим жиҳати шундаки, бу дори воситалари тиббиётда узоқ йиллардан бери қўлланиб келинади ва хавфсизлиги яхши ўрганилган. Шу боис, уларни Паркинсон касаллигини даволашда қўшимча восита сифатида қўллаш имконияти яқин келажакда пайдо бўлиши мумкин. Мутахассислар таъкидлашича, бу тадқиқот ҳали бошланғич босқичда, аммо у келажакда Паркинсон касаллиги билан курашда янги, самарали ва хавфсиз даволаш усулларини ишлаб чиқишга умид бағишлайди.

    • 10 Февраль, 12:00
    • Батафсил

    Галерея

    Барчаси
    not found
    20.10.2022
    not found
    20.10.2022
    not found
    14.10.2022
    not found
    11.09.2022
    not found
    30.08.2022
    not found
    06.08.2022
    not found
    06.08.2022
    not found
    06.08.2022
    not found
    12.07.2022

    Видеогалерея

    Барчаси
    not found

    2025 йил сарҳисоби

    7 Январь, 11:58
    not found

    2025 йил сарҳисоби

    30 Декабрь, 11:00
    not found

    25 март “Ер вақти” куни

    25 Март, 15:32
    not found

    Бундан кейин ҳам сиёсат шундай бўлади. Ёшларни, аёлларни қўллаб-қувватлашни давом эттирамиз! - Ш.М. Мирзиёев

    5 Декабрь, 09:05
    not found

    14 ноябр - Бутунжаҳон диабетга қарши кураш куни

    14 Ноябрь, 09:05
    not found

    Ижтимоий тармоқларда тарқалган Ринотин Кидс ҳақидаги барча хабарлар фейк бўлиб чиқди

    13 Май, 12:17
    not found

    Россиянинг Эндофарм фармацевтика компанияси бош директори Михаил Фонарев “Дори-Дармон” аксиядорлик компанияси билан ҳамкорлик тўғрисида

    23 Апрель, 12:05
    not found

    "Соғлиқни сақлаш — TIHE 2024” 28-Тошкент халқаро тиббиёт кўргазмаси

    18 Апрель, 14:25
    not found

    "Дори-Дармон" АКда Сумалак сайли - 2024

    15 Апрель, 12:08
    not found

    Вақтинча меҳнатга лаёқатсизлик варақаcини онлайн юклаб олишни биласизми?

    2 Апрель, 14:56
    Коррупцияни тўхтатинг!

    Ишонч телефони

    (+99871) 120-16-61

    Интерактив харита

    Хизматлар

    not found

    ООО «INTEGRA DD»

    2010 йилда Самарқанд шаҳрида GMP халқаро стандартларига мувофиқ инъекцион дори воситаларини ишлаб чиқаришни ташкил этиш лойиҳасини амалга ошириш мақсадида «IntegraDD» МЧЖ корхонаси ташкил этилди. Ривожланган инфратузилмага эга заводнинг умумий майдони 11200,0 кв. м га тенг.

    Сайтга ўтинг
    not found

    ООО «Dori-Darmon HCP»

    2007 йилда Ўзбекистонда «Elysee Parfumerie» бренди остида тақдим этилган «Dori Darmon HCP» МЧЖ ташкил этилди. Унинг асосий фаолияти - люкс синфига мансуб косметика ва парфюмерия воситаларининг чакана савдосини юритишдан иборат.

    Сайтга ўтинг
    not found

    ООО «DD General Insurance»

    2011 йилда «DD General Insurance» АЖ ташкил этилган бўлиб, унинг асосий вазифаси юридик ва жисмоний шахсларнинг мулкий манфаатларини ишончли суғурта ҳимоясини таъминлашдан иборат. Бугунги кунда компания кўплаб ихтиёрий суғурта турлари бўйича ўзининг салоҳиятли мижозлар базасига эга. 2021 йил натижаларига кўра «Standard and Sensetive Ratings» рейтинг агентлиги томонидан компанияга миллий шкала бўйича тўлов қобилияти ва ишончлилиги бўйича «uzА++» (энг юқори) рейтинги берилди ва “Барқарор” прогнози тайинланиб, бу компаниянинг барча мажбуриятларини ва суғурта полислари эгаларининг талабларини ўз вақтида ва тўлиқ бажаришидан далолат беради. Келгусида мажбурий тиббий суғурта йўналишини ривожлантириш режалаштирилган.

    Сайтга ўтинг
    not found

    ООО «Dori-Darmon Garant»

    2005 йилда умумий майдони 2000 кв. м божхона омборига эга бўлган «Дори-Дармон Гарант» МЧЖни ташкил этиш тўғрисида буйруқ имзоланиб, унинг асосида импорт қилинаётган дори-дармонлар ва тиббий буюмларни сақлаш бўйича замонавий хизматлар кўрсатилмоқда. 2012 йилда Ўзбекистонда илк бор автоматлаштирилган сақлаш ва логистика тизимлари қўлланиладиган “Ақлли омбор” концепциясининг кенг кўламли лойиҳаси амалга оширилди.

    Сайтга ўтинг
    not found

    ООО «Dori-Darmon Invest»

    2004 йилда Ўзбекистон фармацевтика бозорини тадқиқ қилиш, мамлакатда ўз ваколатхоналарига эга бўлмаган ишлаб чиқарувчилар учун дори воситаларини рўйхатдан ўтказиш бўйича хизматлар кўрсатишга ихтисослашган «Dori Darmon Invest» МЧЖ ташкил этилди.

    Сайтга ўтинг

    Ҳамкорлар

    not found
    not found
    not found
    not found

    Давлат ресурслари

    not found

    Aҳолини фавқулодда вазиятларда тўғри ҳаракат қилишга ўргатувчи фойдали ҳаволалар
    not found

    Электрон ҳукумат лойиҳаларини бошқариш маркази
    not found

    Ўзбекистон Республикаси очиқ маълумотлар портали
    not found

    Ўзбекистон Республикаси қонунчилик маълумотлари миллий базаси
    not found

    Виртуальная приёмная Президента Республики Узбекистан
    not found

    Правительственный портал Республики Узбекистан

    Саволлар

    ва жавоблар

    Биз билан қуйидаги +998 71 228-06-96 рақам ёки қисқа 1002 рақами орқали боғланишингиз мумкун

    Дорихона ичида дори тайёрлаш мақсадида олиб кириладиган, Ўзбекистон Республикасида ишлаб чиқарилмайдиган лаборатория ҳайвонларини боқиш, клиник-олди тадқиқотлар ва дори воситалари ишлаб чиқариш (шу жумладан, дорихона ичида тайёрлаш) учун ишлатиладиган 344 номдаги хом ашё ва материаллар, тиббий буюмлари ва қадоқлаш материаллари 2025 йил 1 январга қадар божхона божларидан озод қилинади.

    Ангро маҳсулоти — йирик қадоқда ишлаб чиқариладиган ва сотиладиган, шунингдек, кейинчалик тайёр дори воситаларини ишлаб чиқариш (тайёрлаш) учун ишлатиладиган дори воситаси ҳисобланади.

    Авваламбор қўлларни зарарсизлантиришда антисептик воситалардан фойдаланиш тавсия этилган. Перекис водород ва фурацилин асосан бактерияларга қарши восита саналади. Антисептик воситаларда 70 фоизли этил спирти бўлгани учун вирусларнинг қобиғини парчалаш хусусиятига эга.

    not found

    Саволларингиз борми?
    Биз ёрдам берамиз!

    Нажмите на кнопку ниже, чтобы прослушать текст Powered by GSpeech