Гарвард тиббиёт мактаби ва Бригам аёллар шифохонаси олимлари олиб борган тадқиқотларга кўра, како экстракти қўшимчаларини узоқ муддат давомида қабул қилиш умумий гипертония ривожланиш хавфини камайтирмайди, бироқ у қон босими меъёрда бўлган инсонларда бу ҳолатнинг олдини олишда самарали бўлиши мумкин.

Тадқиқот натижалари Hypertension журналида эълон қилинди. Тадқиқотда 21 442 нафар кексалар — 65 ёшдан катта аёллар ва 60 ёшдан катта эркаклар иштирок этди. Иштирокчилар тасодифий тарзда икки гуруҳга ажратилди: бир гуруҳга како экстракти ва мультивитамин қўшимчаси берилган бўлса, иккинчи гуруҳ плацебо қабул қилди.

Како экстрактининг гипертония ривожланиш хавфига таъсирини аниқроқ баҳолаш мақсадида тадқиқот бошланишида қон босими ошмаган 8 905 нафар иштирокчидан иборат алоҳида гуруҳ ҳам таҳлил қилинди.

Кузатувнинг ўртача даври 3,4 йилни ташкил этди. Ушбу муддат давомида икки гуруҳ ўртасида сезиларли фарқлар топилмади: бир хил частотада гипертония ҳолатлари ривожланди. Бироқ кичик гуруҳларни таҳлил қилганда,, асосий систолик босим 120 mm Hg дан паст бўлган одамларда какао қўшимчаси гипертония ривожланиш хавфини 24 фоизга камайтирган. Бу ижобий таъсир, асосан, қўшимча қабул қилинганининг иккинчи йили охирига келиб намоён бўлган.

Шу тариқа, тадқиқот муаллифлари какао флаваноллари мавжуд қон босимини пасайтиришдан кўра, қон томирлар соғломлигини сақлаш ва қон босимининг эрта босқичда ошишининг олдини олишда самарали эканини қайд этишди.

Какао таркибида антиоксидантларга қўшимча равишда магний, цинк, фосфор ва калий каби организм учун муҳим бўлган моддаларга ҳам бой. Шунинг учун у кайфиятни яхшилаш ва умумий аҳволни барқарорлаштиришга ёрдам беради. Ушбу ичимлик айниқса совуқ фаслларда фойдали ҳисобланади, чунки у вирусли касалликлар ва организмдаги яллиғланиш жараёнларига қарши курашиш қобилиятига эга.