Тамакини ҳар тортганда танага тўрт мингдан ортиқ заҳарли моддалар киради.

Турли тадқиқотлар асосида, тамаки истеъмоли ва баъзи касалликлар, жумладан ёшга боғлиқ макуляр дегенерация (кўзнинг марказий ёритилишини йўқотишга олиб келадиган ретина макуляр ҳудудининг зарарланиши) ва глаукома (кўришни тўлиқ йўқотилишига олиб келадиган касаллик) ўртасидаги боғлиқлик исботланган.

Тамакини ҳар тортганда организмга тўрт мингдан ортиқ токсик моддалар кириб, кўз клеткаларини озиқлантирадиган кичик қон томирларининг ишини бузади. Бундан ташқари, тамаки тутуни қон томирларининг кескин торайишига олиб келади, бу эса тўқималарнинг гипокциясига ва кўз ичи суюқлиги чиқишининг бузилишига олиб келади, натижада кўз ичидаги босимнинг ошишига, яъни глаукоманинг асосий ёрдамчисига сабаб бўлади.

Тадқиқотлар шуни кўрсатдики, тамаки чекувчиларда ёшга боғлиқ макуляр дегенерация ривожланиш хавфи, ҳеч қачон чекмаганларга қараганда 2-4 баравар юқори. Бундан ташқари, хавф чекишни ташлаганидан кейин 20 йил давомида сақланиб қолади.

Бундан ташқари, тамаки тутуни кўз тўқималарида кислород ва коллаген ишлаб чиқарилишини камайтиради, бу эса мунтазам тамаки чекилганда глаукоманинг ривожланишини тезлаштириши мумкин.

Бирламчи ўткир бурчакли глаукома кўришнинг йўқолиши ва кўрликнинг асосий сабабларидан биридир: бугунги кунда дунё бўйлаб 60 миллиондан ортиқ одам ундан азият чекмоқда. Мавжуд дорилар касалликнинг ривожланишини секинлаштириши мумкин, аммо бу касалликни тўлиқ даволаш имкони ҳали мавжуд эмас. Шу сабабли, чекишни ташлаш - бу кўз нурини сақлаб қолиш имкониятдир.