Буюк Британияда сунъий интеллектга асосланган янги тиббий ускуна — ақлли стетоскопнинг кенг кўламли синовлари ўтказилди.

Imperial College London университети ҳамда NHS Trust билан ҳамкорликда ишлаб чиқилган мазкур қурилма юрак етишмовчилиги, қалб қон томир аритмияси (фибрилляция) ва юрак клапанларига оид хасталикларни атиги 15 сония ичида аниқлаш имконини беради.

Одатдаги стетоскоп, 1816‑йилда ихтиро қилинган ва  тиббиёт ходимларининг доимий ёрдамчиси саналади.  Сунъий интеллект билан жиҳозланган «ақлли» стетоскоп нафақат юрак товушларини паст овозини ҳам эшита олади, балки бир вақтнинг ўзида тезкор ЭКГ (электрокардиограмма) ҳам бажаради. Қурилма юрак ишлаши ва қон оқимини таҳлил қилади, шундан сўнг сунъий интеллект ташхисни смартфонга чиқариб беради. СИ алгоритмлари  маълумотлар бўйича таҳлил ўтказиб, беморда яширин муаммо бор-йўқлигини аниқлайди.

Қурилма аллақачон 12 минг беморда синовдан ўтган ва натижа ҳайратланарли: юрак етишмовчилигини аниқлаш частотаси икки баравар, атриял фибрилляция диагностикаси эса уч баробарга ошди.

Шифокорларнинг таъкидлашларича, бу бошида сезилмайдиган касалликларни ўз вақтида аниқлаб ҳаётни сақлаб қолиш, шунингдек, асоратлар пайдо бўлишидан олдин даволанишни бошлаш имконини беради.