Халқаро олимлар гуруҳи кариесни келтириб чиқарадиган бактерияларнинг ривожланишига тўсқинлик қиладиган тиш эмали қопламасини ишлаб чиқишди.

Янги қоплама эмалнинг асосий минерал компоненти бўлган нанокристалли гидроксиапатит ва антибактериал хусусиятларга эга хинолин бирикмаларига асосланган. Aралашма тиш юзасига қўлланилгандан кейин 30 дақиқа ичида эмалнинг тузилишини тиклайдиган ва бактериал бляшка ривожланишига тўсқинлик қилувчи ҳимоя плёнкасини ҳосил қилади.

Таркибида Фторид бўлган анъанавий стоматологик ҳимоя усуллари кўпинча микробларга қарши етарлича самара бермайди. Янги ишланма эса кариес ривожланишида фаол иштирок этадиган Streptococcus spp. - бактерияларнинг кўпайишига тўсқинлик қилади.

Синовлар шуни кўрсатдики, қопламанинг чидамлилиги табиий эмалдан бир оз пастроқ. Келажакда олимлар қопламанинг хавфсизлиги ва чидамлилигини ҳақиқий клиник амалиётга яқин шароитларда ўрганишни режалаштирмоқда.