Ўртача вазндаги инсонлар билан солиштирганда, семизликка эга беморлар қонида D витамини даражаси ўртача 20–30% паст бўлади.

Эндокринолог Диана Эрикенованинг айтишича, бу ҳолат витамин D истеъмоли ва қуёш нурланиши бир хил бўлган шароитда ҳам кузатилган.

Витамин D ва ортиқча вазн ўртасидаги боғлиқлик икки томонлама деб ҳисобланади: семизлик витаминнинг сўрилишини қийинлаштириши ва витамин етишмовчилиги эса вазн ортишига ҳисса қўшиши мумкин. Амалиётда эса бу икки жараён бир вақтнинг ўзида содир бўлиши мумкин.

«Витамин D ёғ ҳужайраларида тўпланиб, организм томонидан фаол равишда фойдаланиш учун қолмайди. Бу унинг қондаги концентрациясини, овқат ва қўшимчалар орқали етарли қабул қилинса ҳам, пасайишига олиб келади. Жигар ва буйракларда витамин Dнинг фаол шаклининг ишлаб чиқарилиши камаяди, айниқса, агар беморда жигарда ёғ тўпланиши билан боғлиқ касаллик бўлса. Шунинг учун, витамин D етишмовчилиги, ҳатто уни етарли миқдорда истеъмол қилсангиз ҳам, юзага келади», — деб тушунтирди шифокор.

D витамини етишмаслиги инсулин қаршилигига олиб келиши мумкин, бу эса семиз беморларда метаболик ҳолатни ёмонлаштиради ва ёғ тўқималари тўпланишини кучайтиради.

«Бу илдизига етиб бўлмайдиган “ муаммодан” фақат бир вақтнинг ўзида тана вазнини меъёрлаш, яллиғланишни камайтириш ва D витамини етишмоқчилигини тўлдириш орқали чиқиш мумкин. Шунинг учун халқаро тавсияларда ортиқча вазнга эга одамларда витамин D дозасини 1,5–2 баробарга ошириш, яъни профилактика мақсадида кунига 4000 МЕ гача қабул қилишни тавсия қилади. Албатта, қондаги витамин D даражаси назорати билан», — деб қўшимча қилди мутахассис.