Жиғилдон қайнашига қарши бешта халқона усул муаммони янада кучайтириши мумкин
Жиғилдон қайнашига қарши курашишда қўлланиладиган бешта халқона усул ҳолатни ёмонлаштириши мумкин. Улар қаторида ош содаси эритмаси, минерал сув, сақич, кефир ва сут бор.
«Жиғилдон қайнашига қарши энг машҳур восита - ош содаси эритмасидан воз кечиш керак. Сода орқали ҳосил бўладиган ишқорий муҳит ошқозон кислотасини тезда нейтраллаштириши мумкин, аммо бу икки модданинг реакцияси иссиқлик, карбонат ангидрид ва сув ҳосил қилади. Бу шиллиқ қаватга зарар этказиши, ошқозон босимини ошириши ва вазиятни ёмонлаштириши мумкин. Бундан ташқари ош содасини тез-тез ишлатиш билан организм аслида кислота ишлаб чиқаришни кўпайтира бошлайди», — деди Гастроэнтерологи Ольга Исаева.
Шунингдек, унинг таъкидлашича, минерал сув ошқозон-ичак тизими фаолиятига ижобий таъсир кўрсатса-да, одатда газланган ичимлик сифатида сотилади. Бундай шаклдаги суюқлик ошқозон шиллиқ қаватини безовта қилади, шунингдек, панкреатит ҳолатларида ошқозон ости бези ширасининг кўпроқ ажралишига олиб келиши мумкин.
«Сақич чайнаш ҳам ҳолатни оғирлаштириши мумкин. Яққол таъмга эга ёки шакар қўшилган сақич ошқозон кислотаси ишлаб чиқаришни рағбатлантиради.
Кефир таркибидаги фойдали бактериялар ҳисобига ичак фаолиятини меъёрга солиши мумкин, аммо жиғилдон қайнаши белгилари намоён бўлаётган вақтда уни истеъмол қилиш тавсия этилмайди, чунки бу маҳсулот меъда-ичак тизимида кислоталиликни оширади ва ноқулайликни кучайтиради.
Сут ишқорий реакцияга эга бўлиб, қисқа вақт ичида кислотали муҳитни нейтраллаштириши мумкин, бироқ унинг таркибидаги ёғ меъда шираси ишлаб чиқарилишини кучайтиради», — деб тушунтирди шифокор.
Шифокорнинг таъкидлашича, жиғилдон қайнаши одатда меъдадаги ёки унга таъсир этувчи органлардаги ортиқча босим билан боғлиқ бўлиб, натижада бу унинг таркибидаги моддаларнинг қизилўнгачга қайта оқишига олиб келади. Шунинг учун, ҳатто сув ҳам, ошқозон кислотасини қизилўнгачга қайтариш учун меъёрида истеъмол қилиниши керак.
- 12 Ноябрь, 15:00
-
Батафсил
