Yangiliklar

not found

Yunusobod tumanidagi dorixonalarda “elektron retsept” moduli faoliyati oʻrganildi

Joriy yil 7-may kuni Prezidentimiz raisligida tibbiyot sohasidagi islohotlarning navbatdagi bosqichida turgan ustuvor vazifalar muhokamasiga bagʻishlab oʻtkazilgan videoselektor yigʻilishida tizimdagi muammolar batafsil koʻrsatib oʻtilganidan xabaringiz bor.  Xususan, sohani raqamlashtirish, jumladan, “elektron poliklinika”, “elektron shifoxona”, “elektron retsept” modullarini ishga tushirish ortda qolayotgani tanqid qilindi. Hozirga paytda tizimda amalga oshirilayotgan raqamlashtirish jarayoni shu tanqidiy fikrlar asosida qayta koʻrib chiqilib, zaruriy chora-tadbirlar amalga oshirilmoqda.  Jumladan, Yunusobod tumanida tajriba tariqasida sogʻliqni saqlash tizimini raqamlashtirish taklif qilingan boʻlib, bunga Sogʻliqni saqlash, Raqamli texnologiyalar vazirliklari hamda Bosh prokuratura huzuridagi Iqtisodiy jinoyatlarga qarshi kurashish departamenti masʼul sifatida belgilangan edi. Mazkur vazifalar ijrosi yuzasidan Sogʻliqni saqlash vazirligining Raqamli texnologiyalarni joriy etish va muvofiqlashtirish boshqarmasi, Yagona integrator – “UZINFOCOM” hamda Farmatsevtika mahsulotlari xavfsizligi markazi mutaxassislari tomonidan tumandagi dorixonalarda oʻrganish ishlari olib borildi. Jarayon davomida tumanda joylashgan 198 ta dorixonadan 185 tasida (93.4%) DMED tizimi faoliyati toʻliq yoʻlga qoʻyilganligi 10 ta dorixonada tizimga ulanish ishlari yakuniy bosqichdaligi hamda 3 ta dorixona faoliyati tugatilganligi aniqlandi. Maʼlumot uchun, “Elektron retsept” moduli sogʻliqni saqlash tizimini raqamlashtirish doirasida ishlab chiqilgan zamonaviy elektron dasturiy yechim boʻlib, dori vositalarini bemorlarga elektron koʻrinishda tayinlash va nazorat qilish imkonini beradi.  Modulning asosiy maqsadlari: ✅ Retseptlar berilishida shaffoflik va aniqlikni taʼminlash; ✅ Bemorlar tomonidan retseptlarni mobil ilovalar orqali koʻrish imkonini yaratish; ✅ Dori vositalari belgilangan doza va shakllarini hisobga olgan holda retseptlar tuzish; ✅ Dorixonalarda dori vositalari real vaqtda markirovkasini tekshirib sotishni taʼminlash; ✅ Hisobot va tahlil jarayonlarini toʻliq avtomatlashtirish  Modulning afzalliklari: - Retseptlar soxtalashtirilishining oldi olinadi; - Notoʻgʻri dozalar va dori shakllarini tayinlash xatolari kamayadi; - Bemorlar uchun qulaylik va axborotga tezkor kirish imkoni yaratiladi. Bu natijalar sohada ochiqlik, shaffoflik va dori vositalari muomalasi ustidan samarali nazoratni taʼminlash yoʻlida muhim ahamiyat kasb etadi.

  • 24 Iyun, 09:00
  • Batafsil
not found

Sunʼiy intellekt epidemiyalarni bashorat qilishni oʼrgandi

Zamonaviy texnologiyalar, xususan, Big Data epidemiyalarni bashorat qilishni o'rgandi. Agar ilgari kasallikning boshlanishi bemorlar kasalxonalarga borganidan keyin maʼlum boʼlgan boʼlsa, bugungi kunda maxsus algoritmlar tahdidni rasmiy bayonotlardan ancha oldin aniqlashi mumkin. Bunday tizimlarning ishlash printsipi turli manbalardan juda katta hajmdagi maʼlumotlarni toʼplash va tahlil qilishga asoslangan, algoritmlar simptomlar, ijtimoiy tarmoqlardagi xabarlar, elektron tibbiy maʼlumotlardan olingan anonim maʼlumotlar va hatto dorixonalarda dori sotish statistikasini kuzatib boradi. Аna shunday loyihalardan birinchisi boʼlgan Google Flu Trends 2009 yilda grippning tarqalishini rasmiy idoralarga qaraganda tezroq bashorat qilgan, garchi bu maʼlumotlar har doim ham toʼgʼri boʼlmasa-da, maʼlumotlarni qayta ishlash muhimligini koʼrsatdi. Prognozlash uchun ham klassik matematik modellar, ham sunʼiy intellektga asoslangan zamonaviy usullar qoʼllaniladi. Neyron tarmoqlar turli maʼlumotlarni qayta ishlash va yashirin nuqtalarni topishga qodir. Ushbu yondashuv samaradorligining yorqin misoli - Kanadaning BlueDot startapi. Bu tizim havo qatnovi haqidagi maʼlumotlarni va mahalliy forumlardagi postlarni tahlil qilib, Jahon sogʼliqni saqlash tashkilotining rasmiy bayonotidan toʼqqiz kun oldin Xitoyning Uxan shahrida nomaʼlum pnevmoniya tarqalishi xavfi haqida ogohlantirgandi. Aniq afzalliklarga qaramay, texnologiya bir qator muammolarga duch keladi. Asosiy texnik qiyinchiliklardan biri bu notoʼgʼri taqqoslash boʼlib, algoritm jiddiy epidemiya boshlanishi yoki mavsumiy koʼpayish oʼrtasidagi farqda xato qilishi mumkin. Bu asossiz vahima va resurslardan noratsional foydalanishga olib keladi.

  • 23 Iyun, 15:00
  • Batafsil
not found

Sifati kafolatlanmagan farmatsevtika mahsulotlarining savdoga chiqarilishini oldi olindi

Bosh prokuratura huzuridagi Departamentning Аndijon viloyati boshqarmasi tomonidan oʼtkazilgan tezkor tadbirda qonunga xilof ravishda dori vositalari savdosi bilan shugʼullanib kelgan D.R. va turmush oʼrtogʼi B.U. “Onix” rusumli avtomashinasida hech qanday hujjatsiz 16 turdagi 1 174 dona dori vositalarini Qoʼrgʼontepa tumani hududidagi dorixonaga oʼtkazish maqsadida olib ketayotgan vaqtida ushlanib, davom etgan tadbirda ularning yashash xonadoni hamda ularga dori vositalarini yetkazib bergan “J.O.” MChJdan xorijda ishlab chiqarilgan 2 841 dona umumiy bahosi 427,8 mln soʼmlik sifatini tasdiqlovchi hujjatlari boʼlmagan dori vositalari ashyoviy dalil sifatida olingan. Shu kabi, Departamentning Nurafshon shahri boʼlimi va Bojxona xodimlari hamkorligida tibbiy buyumlar va dori vositalarining noqonuniy muomalaga kiritilishining oldini olish maqsadida oʼtkazilgan tezkor tadbirda fuqaro M.А.ning boshqaruvidagi “Cobalt” rusumli avtomashinasi hamda yashash xonadonidan respublika hududiga aylanma yoʼllar orqali sotish maqsadida olib kelingan 36 turdagi tegishli hujjatlari boʼlmagan umumiy bahosi 311,1 mln soʼmlik tibbiy buyumlar ashyoviy dalil sifatida olingan. Mazkur holatlar yuzasidan Jinoyat kodeksining 25, 186-3-moddasi (sifatsiz yoki qalbakilashtirilgan dori vositalarini yoxud tibbiy buyumlarni oʼtkazish maqsadida ishlab chiqarish, tayyorlash, olish, saqlash, tashish yoki oʼtkazish) bilan jinoyat ishlari qoʼzgʼatilib, tergov harakatlari oʼtkazilmoqda.

  • 23 Iyun, 12:00
  • Batafsil
Нажмите на кнопку ниже, чтобы прослушать текст Powered by GSpeech