ЖССТ: 2023-йил бошидан бери дунёда 610 мингдан ортиқ одам вабо билан касалланган
Жаҳон соғлиқни сақлаш ташкилоти (ЖССТ) вабо билан касалланиш билан боғлиқ вазият ёмонлашганини таъкидламоқда. 2023-йил бошидан буён касалланганлар сони 610 мингдан ошди. Бу 2022 йилдагидан кўп, деди ЖССТ ва касалликнинг дунёда тарқалиш хавфини "жуда юқори" деб баҳолаган.
“2023-йилда вабо билан касалланганлар сони, ЖССТга аъзо мамлакатларнинг дастлабки ҳисоботларига кўра, 15-ноябр ҳолатига кўра ўтган йиллардаги кўрсаткичлардан ошиб кетган. 610,000 дан ортиқ ҳолатлар ва 3,500 ўлимлар ҳақида хабар берилган ", дейилади ЖССТ ахборотномасида. Ой давомида касалланишлар сони қарийб 7000 га ошган. Ташкилот маълумотларига кўра, 2022 йилда дунё бўйлаб 472 697, 2021 йилда эса 223 370 вабо касаллиги аниқланган.
Йил бошидан бери жами 29 давлатда вабо эпидемияси қайд этилган. 15-октабрдан 15-ноябргача бу рақам ошмаган. Аммо худди ўша пайт, "зарарланган мамлакатларда янги эпидемиялар қайд этилган." Эпидемияларнинг кўплиги ва уларнинг географик тарқалиши, шунингдек, вакциналар ва бошқа ресурсларнинг етишмаслигини ҳисобга олган ҳолда, ЖССТ глобал даражадаги хавфни жуда юқори деб баҳолашда давом этмоқда”, — дейилади ташкилот хабарида.
- 11 Декабрь, 09:55
-
Батафсил
