Aмерикалик тадқиқотчилар бир кунда ўткир ўрта отитни енгиллаштирадиган гелни ишлаб чиқди.

ACS Nano журналидаги ҳисоботга кўра, янги дори лаборатория ҳайвонларида инфекцияни 24 соат ичида ножўя таъсирларсиз ёки қайталаниш хавфисиз йўқ қилган.

Бир неча кун давомида қабул қилиниши керак бўлган стандарт антибиотиклардан фарқли ўлароқ, янги препарат тўғридан-тўғри қулоқ пардасига қўлланилади. Бу ошқозон-ичак трактидаги оғирликни камайтиради ва антибиотикларга қаршилик ривожланишини олдини олади.

Олимлар препарат қулоқ пардасининг ҳимоя тўсиғини енгиб ўтиши учун сипрофлоксацин антибиотигини манфий зарядли липозомаларга жойлаштирди. Липозомалар тана ҳароратида қотиб қоладиган ва препаратнинг аста-секин чиқарилишини таъминлайдиган гидрогел билан аралаштирилди.

Ўтказилган тажрибаларда янги формула 100 фоиз яхши натижа берди: ҳайвонларга бир марта қўлланилгандан кейин 24 соат ичида касалликдан халос бўлишди ва яллиғланиш бир ҳафта давомида қайталанмади.

Муаллифларнинг фикрича, бундай терапия ёш болали оилаларга қўл келади ва антибиотиклар истеъмолини камайтириши мумкин.