Америка педиатрия академияси (AAP) 2026–2027 йилги грипп мавсуми учун янги тавсияларини эълон қилди.
✔️ Эмлаш — 6 ойликдан бошлаб ҳар йили
AAP тиббий қарши кўрсатмалар бўлмаган ҳолларда 6 ойликдан бошлаб барча болаларни гриппга қарши эмлашни тавсия қилади.
Боланинг ёши ва соғлиғи ҳолатига мос келадиган лицензияланган ҳар қандай вакцинадан фойдаланиш мумкин. AAP муайян вакцина ёки препарат шаклига устунлик бермайди.
✔️ Вирусга қарши даволаш — имкон қадар эрта
Гриппга гумон қилинган ёки грипп тасдиқланган болаларга вирусга қарши препаратлар билан даволаш тавсия этилади, агар улар:
• шифохонага ётқизилган бўлса;
• касаллик оғир, асоратли ёки авж олиб бораётган бўлса;
• сурункали касалликлар ёки иммунитет танқислиги каби ҳолатлар туфайли асоратлар хавфи юқори бўлган гуруҳга кирса.
Кўрсатма мавжуд бўлганда, бола гриппга қарши эмланган ёки эмланмаганидан ва касаллик бошланганидан қанча вақт ўтганидан қатъи назар, даволашни имкон қадар эрта бошлаш керак.
Асоратлар хавфи юқори бўлмаган болаларда ҳам вирусга қарши даволаш амбулатор шароитда кўриб чиқилиши мумкин. Айниқса, даволашни касалликнинг дастлабки 48 соати ичида бошлаш жуда муҳим.
✔️ Контактдан кейин вирусга қарши профилактика — айрим ҳолатлардагина
Грипп вируси билан контактдан кейин вирусга қарши кимёвий профилактика айрим ҳолатларда, масалан, асоратлар хавфи юқори бўлган баъзи болаларга тавсия қилиниши мумкин. Айниқса, улар эмланмаган бўлса ёки вакцинадан кейин етарли иммунитет шаклланмаслиги кутилса.
Шу билан бирга, вирусга қарши профилактика вакцинация ўрнини босмайди.
AAP баҳосига кўра, 2025–2026 йилги мавсумда болалар орасида грипп касаллиги юқори даражада оғир кечган.
