Хлорланган сув онкологик касалликларга сабаб бўлиши мумкин – тадқиқот
Жорий йилнинг январь ойида ўтказилган тадқиқотларга кўра, белгиланган даражада хлорланган сув қовуқ саратони хавфини 33 фоиз, йўғон ичак саратони хавфини эса 15 фоизга оширади. Бу ҳақда “The Guardian” нашри хабар берди.
Нашрнинг ёзишича, Қўшма Штатлар ва Европа Иттифоқида ичимлик сувини хлорлаш кенг тарқалган. Сувни хлор билан зарарсизлантириш жараёни АҚШ ва ЕИдаги деярли барча умумий ичимлик суви тизимларида учрайдиган триҳалометан (ТҲМ) қўшимча маҳсулотларни ҳосил қилади.
Жумладан, хлорлаш жараёни организмлар ва юқумли касалликларни ўлдиришнинг арзон, самарали ва осон топиладиган усули бўлса-да, қовуқ саратони хавфини 33 фоиз ва йўғон ичак саратони хавфини 15 фоизга оширади.
“Биз кўриб турган нарса хавотирли ва бизга янада юқори сифатли тадқиқотлар керак”, дейди Швециядаги Каролинска институтининг етакчи муаллифи Эмили Ҳелте.
Тадқиқотчиларнинг таъкидлашича, одамлар ҳали ҳам шаҳар тизимида сувини ичишлари мумкин, фақат уйда ифлослантирувчи моддаларни олиб ташлаш учун гранулланган фаол углерод билан қўшимча филтрлаш тизимидан фойдаланишни тавсия қилишади.
Маълумот учун, сувни дезинфекция қилиш жараёни соғлиқни сақлашнинг муҳим чораси бўлиб, 1900 йилларнинг бошларида АҚШда ичимлик сувини хлорлаш бошланганида аҳолининг умр кўриш давомийлигини кескин оширди. Чунки бу микробли инфекция ва сув орқали юқадиган касалликларни, масалан, вабо ва қорин тифини сезиларли даражада камайтирган. Фақат 1970 йилларга келибгина тадқиқотчилар бу жараён салбий оқибатга олиб келишини аниқлаган. Сувга хлор қўшилганда, у органик бирикмалар билан худди чириган ўсимлик материалига ўхшаб исталган миқдордаги юзлаб потенциал заҳарли қўшимча маҳсулотларни ҳосил қилади.
Тадқиқотчилар сувни ультрабинафша нурлар билан тозалаш ёки янги филтрлаш тизимларини ўрнатиш каби муқобил вариантларни таклиф қилган, аммо бу қиммат. Шу сабабдан олимлар шаҳар тизимида сувни ичишларидан аввал уй шароитида сувни ифлослантирувчи моддалардан тозалаш учун гранулланган фаол углерод билан қўшимча филтрлаш тизимидан фойдаланишни тавсия қилишмоқда
