Оғриқ қолдирувчи воситалар хавфли буйрак касалликларининг ривожланишига таъсир қилади
Оғриқ қолдирувчи воситалар инсон буйраги фаолиятига салбий таъсир кўрсатади. Уролог-андрологи Артур Богатйрев Gazeta.Ru нашрига берган интервьюсида шу ҳақда гапирди.
Мутахассиснинг таъкидлашича, етарли миқдорда сув ичмасдан буйракнинг яхши ишлашини тасаввур қилиб бўлмайди.
“Ушбу орган чиқариш вазифасини бажариб, организмдан токсинларни олиб ташлагани учун унга суюқлик керак. Агар етарли даражада суюқлик бўлмаса, буйракларга қон оқими заифлашади ва улар ўз функцияларини тўлиқ бажаришни тўхтатади ", деди у.
Мутахассис катталар учун оптимал сув миқдори- 8-10 стакан (кунига) эканлигини таъкидлади. Кўп сув ичиш ҳам буйракларга салбий таъсир қилади.
Уролог, шунингдек, тузни кўп истеъмол қилишнинг зарарли таъсирини ҳам қайд этди. Ортиқча туз буйракларни тўхтовсиз ишлашга мажбур қилади. Вақт ўтиши билан бу орган функциясининг пасайишига ва натижада танадаги сувни ушлаб туришига олиб келиши мумкин. Бундан ташқари, ортиқча туз сийдикда протеин миқдори ошишига олиб келади, бу ҳам буйраклар ҳолатига салбий таъсир қилади. Шифокорнинг фикрига кўра, кунига 5 граммдан кўп бўлмаган туз истеъмол қилиш тавсия этилади.
Яна бир хавф омили - бу дори-дармонларни нотўғри, назоратсиз ишлатиш.
“Биз оғриқ қолдирувчи воситаларни қабул қилиш каби ёмон одатни қайд этмасдан иложимиз йўқ, бу қон оқимини бузади. Улардан узоқ муддат фойдаланиш ўткир буйрак етишмовчилиги ва бошқа хавфли буйрак касалликларини келтириб чиқариши мумкин”, — дея қўшимча қилди шифокор.
У буйраклар ҳолатига салбий таъсир кўрсатадиган яна бир сабаб сифатида сийдик пуфаги тўлганида узоқ вақт ушлаб туришликни айтди. Биринчидан, бу сийдик тизимидаги инфекцияларнинг ривожланишига ҳисса қўшиши мумкин, иккинчидан, буйраклардаги босимни оширади.
Бундан ташқари шифокор, тамаки чекиш ва ва спиртли ичимликларни истеъмол қилиш каби бутун танага зарар этказадиган ёмон одатларни ҳам таъкидлаб ўтди. Улар буйракларга жуда жиддий зарар етказади.
Уролог сифатли уйқу буйрак саломатлиги учун муҳим эканлигини таъкидлади. Ушбу одатнинг етишмаслиги кўпинча юқори қон босими ва артерияларнинг блокланишига олиб келади, бу эса буйрак касаллигини қўзғатади.
- 4 Декабрь, 10:05
-
Батафсил
