Ёшларнинг кўз саломатлиги хавф остида
Тадқиқотчилар биринчи марта қуруқ кўз белгилари ёшларнинг аксариятида кузатилишини исботлади - 18 ёшдан 25 ёшгача бўлган тадқиқот иштирокчиларининг 90 фоизида касалликнинг камида битта белгиси кузатилган.
Ярмидан кўпи — 56 фоизи аллақачон тўлиқ қуруқ кўз синдромидан азият чеккан, 50 фоизи эса кўз ёши плёнкасининг ҳимоя қатламини ишлаб чиқариш учун масъул бўлган меибомия безларининг камида тўртдан бир қисмини йўқотган. Мақола The Ocular Surface журналида чоп этилган.
Қуруқ кўз синдроми танада етарлича кўз ёшлари пайдо бўлмаганда ёки уларнинг таркиби бузилганда ривожланади. Натижада қичишиш, ачишиш, кўзнинг қизариши, ёруғликдан қўрқиш ва кўришнинг хиралашиши юзага келади. Контакт линзалари тақиб юрадиганлар ва кўп вақтини экранлар олдида ўтказадиганлар хавф гуруҳига киради. Тадқиқот иштирокчилари экранлардан кунига ўртача саккиз соат фойдаланишган.
Тадқиқотчилар орадан бир йил ўтиб иштирокчиларни яна текширишди ва уларнинг муҳим қисмида симптомларнинг ривожланишини қайд этишди. Муаллифларнинг таъкидлашича, касалликнинг бундай эрта ривожланиши эрта ташхис қўйиш ва олдини олиш зарурлигини кўрсатади. Aйниқса, ёшларга кўзларини ҳимоя қилишни ўргатиш – компютерда ишлаётганда танаффуслар қилиш, кўз машқларини бажариш, сувсизланишдан ҳимояланиш ва етарлича ухлашни ўргатиш зарур. Омега-3 ёғ кислоталарига бой парҳез ҳам хавфни камайтириши мумкин.
Олимлар келгуси тадқиқотларда олимлар синдромнинг ривожланиши ва овқатланишнинг кўз ҳолатига таъсирини кўрсатадиган биомаркерларни батафсилроқ ўрганишни режалаштирмоқда.
- 29 Апрель, 08:50
-
Батафсил
