Дори-дармонлар жигарга зарар етказадими?
Жигар танадан токсинларни олиб ташлаш учун мўлжалланган кучли орган эканлигини тушунишингиз керак. Дори воситаларининг нормал терапевтик дозалари жигарга салбий таъсир кўрсатмайди, - дейди фармацевтика фанлари номзоди, провизор Виктория Буева.
Дорилар жигарга таъсирига кўра беш тоифага бўлинади, А (энг кучли) дан Е (энг заиф).А гуруҳига керакли терапевтик меъёрдан ошиб кетадиган дозаларда жигарга салбий таъсир кўрсатиши мумкин бўлган жуда кам сонли дорилар киради — бу жуда муҳимдир.
Буларга, масалан, парацетамол киради, лекин юқори дозаларда, яъни кўрсатмаларда кўрсатилганидан кўпроқ қабул қилганда. Шунингдек, А витамини юқори дозаларда жигарга зарар этказиши мумкин, чунки у жигарнинг ўзида мавжуд. Баъзи комбинацияланган оғиз контрацептивлари (КОК) ҳам ушбу тоифага киради. Аммо шуни таъкидлаш керакки, илгари КОКдаги фаол модданинг дозалари жуда юқори ва ҳақиқатан ҳам зарар этказиши мумкин эди. Ҳозир илгари битта таблеткага киритилган модданинг миқдори бутун пакетда мавжуд, шунинг учун жигарга тушадиган юк сезиларли даражада камайган.
Бундан ташқари, препаратнинг тананинг баъзи ҳаётий функциялари учун фойдаси ҳар доим жигарга этказадиган зарардан устундир - дея таъкидлайди мутахасис.
Масалан, юрак-қон томир касалликлари хавфини камайтириш учун бемор статинларни қабул қилиши керак. Статинлар жигарга зарар этказиш потенциалига эга, аммо шифокор томонидан тайинланган бўлса, уларни қабул қилишга арзийди, чунки юрак учун фойда жигарга етказиши мумкин бўлган зарардан анча юқори.
Бундан ташқари, жигарга таъсир қилиши мумкин бўлган ҳар қандай дорилар буюрилганда, агар керак бўлса, улардан фойдаланиш шифокор томонидан назорат қилинади.
- 6 Декабрь, 12:06
-
Батафсил
