Keng ko‘lamli xalqaro tadqiqot shuni ko‘rsatdiki, jismoniy faollikning pastligi 2-toifa diabetdagi asoratlarning 10 foizigacha rivojlanishiga sabab bo‘lishi mumkin. Tadqiqot natijalari Journal of Sport and Health Science (JSHS) jurnalida e’lon qilindi.

Jismoniy faollik yetishmasligi quyidagilar bilan bog‘liq:
• Insult holatlarining 10,2%
• Diabetik retinopatiyaning 9,7%
• Yurak yetishmovchiligining 7,3%
• 2-tur qandli diabet bilan og‘rigan bemorlarda yurak ishemik kasalligining taxminan 7%.

Kamharakat turmush tarzi — bu haftasiga 150 daqiqadan kam o‘rtacha jismoniy yuklama (tez yurish, velosiped haydash, suzish va h.k.).

Mualliflar ta’kidlashicha, asoratlar ko‘pincha «muqarrar” deb qabul qilinadi, ammo ularning ma’lum qismini qimmat texnologiyalarsiz ham — muntazam harakat hisobiga oldini olish mumkin.