Nemis olimlari oʼtkazgan tadqiqotga koʼra, imbir va kannabidiol ekstrakti bor yangi kremlar atopik dermatit belgilarini samarali kamaytiradi.

Bionorica SE ( Germaniya) mutaxassislari tomonidan oʼtkazilgan 12 haftalik tadqiqotda 94 nafar kattalar va bolalar ishtirok etdi.Ular kuniga ikki marta BNO 3732 tanani parvarishlash losьonini hamda zaruratda intensiv parvarish uchun BNO 3731 vositasini ishlatdilar. Ikkala mahsulotda ham zanchabil va kannabidiol ekstraktlari mavjud edi.

Muolaja natijalari qichishish darajasi, hayot sifati, simptomlar kuchayishi va teri himoya qatlamining holatiga qarab baholandi. Birinchi 4 hafta ichida sinov vositalarini qoʼllash natijasida RECAP shkalasi boʼyicha oʼrtacha koʼrsatkichlar 54% ga kamaydi, qichishish 53% ga pasaydi. Bu taʼsirlar tadqiqot tugagandan soʼng 12 hafta davomida saqlanib qoldi.

Аtopik dermatit simptomlari vIGA-AD shkalasi boʼyicha 63% ga kamaydi, shuningdek, ishtirokchilarning 59% i kasallik belgilari toʼliq yoʼqolganini qayd etdi.

Kattalar va bolalarning hayot sifati muolajaning birinchi 4 haftasi ichida sezilarli darajada yaxshilandi va keyinchalik yanada yaxshilanishda davom ettirdi.

Teri barьeri tahlili seramidlar, erkin yogʼ kislotalari va xolesterin darajasining oshganini koʼrsatdi, shuningdek, uzun zanjirli yogʼ kislotalari va toʼliq rivojlangan korneotsitlar nisbatining sezilarli oshishi kuzatildi. Bu esa terining himoya qatlamining tiklanganini anglatadi.

Mualliflarning taʼkidlashicha, bu faol moddalar nafaqat terini namlaydi, balki yalligʼlanishga qarshi va antioksidant xususiyatlarga ega boʼlib, qichishishdan uzoq muddatli yordam beradi va teri himoya toʼsigʼini barqarorlashtiradi.