Hindistonda zaharli moddalar bo`lgan yana ikkita sirop topildi
Hindistonning Dori-darmon standartlari va nazorati markaziy boshqarmasi (CDSCO) Norris Medicines kompaniyasining yo‘talga qarshi siropi va allergiyaga qarshi siropi tarkibida zaharli moddalar borligini aniqladi. Bir necha oy oldin Hindistonda ishlab chiqarilgan yo'tal siroplarini iste'mol qilgan 141 ta bola vafot etgani ma'lum bo'ldi.
Ularda dietilen glikol va etilen glikol borligi aniqlangan - o'tgan yilning o'rtalarida Gambiya, O'zbekiston va Kamerunda o'limga sabab bo'lgan yo'tal siroplarida bo'lgan bir xil moddalar. Dorilarda dietilen glikol va etilen glikol masalasi so'nggi ikki yil ichida birinchi marta CDSCO oylik hisobotlarida paydo bo'ldi. Mamlakatda ulushi 42 milliard dollarga yaqin bo`lgan kichik farmatsevtika ishlab chiqaruvchilarni yopish bo‘yicha faol siyosat olib borilmoqda.
Gujarat shtatining oziq-ovqat va farmatsevtika boshqarmasi xodimi H.G. Koshianing so‘zlariga ko‘ra, o'tgan oy Norris zavodini tekshirishdan so'ng, agentlik ishlab chiqarishni to'xtatib turishga va chiqarilgan dori-darmonlarni qaytarib olishga qaror qildi.
CDSCO laboratoriya sinovlariga ko'ra, Trimax yo'tal siropi tarkibida 0,118% etilen glikol, Sylpro Plus allergiya siropida 0,171% etilen glikol va 0,243% dietilen glikol mavjud. Shu munosabat bilan, siroplar sifatsiz dori vositalari, qalbaki dori vositalari, shuningdek, kritik miqdorda zaharli moddalarni o‘z ichiga olgan dori vositalari ro‘yxatiga kiritildi. Ro‘yxat avgust oyida idora veb-saytida e’lon qilingan.
Koshia, Norris yo'tal siropini ba'zi mamlakatlarga eksport qilganini aytdi, ammo ayni qaysi mamlakatlarga ekanligi ma`lum emas.
Jahon sog'liqni saqlash tashkiloti (JSST) xalqaro standartlarga ko'ra, bunday moddalarning ruxsat etilgan maksimal miqdori 0,10% dan oshmaslik kerakligini ta`kidladi.
- 6 Oktyabr, 12:05
-
Batafsil
