Olimlar hayotiy belgilarni kuzatish uchun yutiladigan kapsula yaratdi
Amerikaning bir qancha universitetlari xodimlari hayotiy koʼrsatkichlarni (nafas olish va yurak urish tezligini) oshqozon-ichak traktining ichidan xavfsiz nazorat qila oladigan qurilmani ishlab chiqdi.
Hayotiy belgilarni kuzatish uchun moʼljallangan, yutib yuboriladigan VM Pill kapsulasi nafas olish va yurak urishi bilan bogʼliq tanadagi kichik tebranishlarni kuzatib boradi. Va agar odam nafas olishni toʼxtatsa, kapsula buni ichkaridan aniqlaydi.
Dastlab, yangi diagnostika moslamasi hayvonlarning oshqozoniga joylashtirish orqali sinovdan oʼtkazildi. Keyin, nafas olishni toʼxtatishi uchun hayvonlarga katta miqdorda fentanil dozasi berildi. VM Pill hayvonlarning nafas olish tezligini real vaqt rejimida oʼlchadi va oʼz vaqtida tadqiqotchilarni ogohlantirdi, ular hayot uchun xavfli alomatlarni toʼxtata oldilar.
Keyingi sinovda kapsulalar uyqu apneasi bilan ogʼrigan oʼn nafar bemorga berildi. Taxminan vitamin kapsulasiga teng boʼlgan qurilma ishtirokchilarning nafas olishi toʼxtaganini tezda aniqladi va ularning nafas olish tezligini 92,7% aniqlik bilan kuzatdi.
Tadqiqot natijalariga koʼra, tashqi hayotiy monitoring qurilmalari bilan solishtirilganda, yangi qurilma yurak urish tezligini kamida 96% aniqlik bilan kuzatishga qodir.Kapsula oʼzining xavfsizligini ham tasdiqladi: barcha tadqiqot ishtirokchilari foydalanishdan keyin bir necha kun ichida uni oʼz tanalaridan tabiiy ravishda chiqib ketganini taʼkidlashdi. Hozirda kapsulani organizm ichida uzoqroq muddatga qoldirish uchun versiyalar ishlab chiqilmoqda.
Kelajakda, shuningdek, opioidlarning dozasini oshib ketishi kabi hayot uchun xavfli vaziyatlarni bartaraf etish uchun dori-darmonlarni avtomatik ravishda yetkazib bera olishi uchun qurilmani yangilash rejalashtirilgan.
- 30 Noyabr, 15:02
-
Batafsil
