Yangiliklar

not found

Oʻzbekistonda doriga eng koʻp va kam pul sarflanadigan hududlar maʼlum qilindi

Soliq qo‘mitasi tomonidan aholining fiskal tushumlardan foydalangan holda dori vositalariga sarflagan mablag‘lari to‘g‘risidagi ma’lumotlar taqdim etildi. Respublika boʻyicha 8 002 ta dorixona roʻyxatga olingan boʻlib, ularda 15 609 ta onlayn-NKT mavjud. Xarid qilingan dori vositalari uchun isteʼmolchilarga berilgan fiskal cheklarda koʻrsatilgan mahsulot yoki xizmatlarning identifikatsion kodi (MXIK) asosida aholining tibbiy preparatlar uchun qancha mablagʻ sarflayotgani toʻgʻrisida maʼlumotlar shakllanadi. Joriy yilning 5 oyida dori vositalari uchun eng katta xarajatlar Toshkent shahri (2,1 trln soʻm), Samarqand (986,9 mlrd soʻm) va Toshkent viloyatlarida (663,4 mlrd soʻm) qayd etilgan. Poytaxt koʻrsatkichlari yirik tibbiyot muassasalarining aynan ushbu hududda joylashganligi hisobiga shakllangan. Respublika hududlari kesimida eng kam xarajatlar Jizzax (201,3 mlrd soʻm), Navoiy (191,6 mlrd soʻm) va Sirdaryo (170 mlrd soʻm) viloyatlariga toʻgʻri kelgan. Yuqoridagi raqamlar va har bir hududda roʻyxatga olingan aholi sonidan kelib chiqqan holda yil boshidan oʻrtacha bir kishi dori vositalariga: Toshkent shahrida – 750 ming soʻm; Buxoro viloyatida – 277 ming soʻm; Samarqand viloyatida – 245,1 ming soʻm sarflagan. Yanvar-may oylarida aholi jon boshiga nisbatan kamroq xarajatlar quyidagi hududlarda qayd etilgan: Qashqadaryo viloyatida – 120 ming soʻm; Qoraqalpogʻiston Respublikasida – 118 ming soʻm; Surxondaryo viloyatida – 114 ming soʻm. Bunday maʼlumotlar soliq organlarining maʼlumotlar bazasida nafaqat viloyatlar, balki har bir tuman va mahalla kesimida shakllanadi. Fiskal cheklar maʼlumotlari tahliliga koʻra, eng koʻp mablagʻ quyidagi kasalliklarni davolash uchun moʻljallangan dori vositalariga sarflangan: 1. yurak-qon tomir kasalliklari; 2. infeksion kasalliklar; 3. ogʻriq qoldiruvchi vosita; 4. asab tizimi kasalliklari; 5. oshqozon-ichak kasalliklari; 6. nafas olish yoʻllari kasalliklari; 7. tayanch-harakat tizimi; 8. tomoq-burun kasalliklari; 9. jigar kasalliklari. Dori vositalari majburiy raqamli markirovkalanishi lozim. Dori vositalari markirovkasining haqiqiyligini Soliq mobil ilovasi orqali tekshirish mumkin.

  • 21 Iyun, 11:50
  • Batafsil
not found

JSST yangi antibakterial dorilarni ishlab chiqish holati toʻgʻrisidagi hisobotini eʼlon qildi

Jahon sogʻliqni saqlash tashkiloti dunyo boʻylab klinik va klinikadan avvalgi sinovlardan oʻtayotgan antibakterial dorilar, jumladan, antibiotiklar boʻyicha yangi hisobotni taqdim etdi. Unda aytilishicha, klinik tadqiqotlardagi antibakterial dorilar soni 2021-yilda 80 tani tashkil qilgan boʻlsa, 2023-yilda 97 taga yetgan. Shunga qaramay, xavfli yuqumli kasalliklarni davolash uchun keng qoʻllanilishi natijasida samaradorligini yoʻqotayotgan mavjud antibiotiklar oʻrnini bosadigan yangi, innovatsion dori vositalarini yaratish dolzarb boʻlib turibdi. Muammo nafaqat ishlab chiqarilayotgan antibakterial dorilarning juda kamligida, balki haqiqatan ham innovatsion ishlanmalarning yetarli emasligidadir. Ustuvor roʻyxatdagi patogenlar keltirib chiqaradigan infeksiyalarni davolash uchun ishlab chiqilayotgan 32 ta antibiotikdan faqat 12 tasini innovatsion deb hisoblash mumkin. Ishlab chiqarilayotgan preparatlarda koʻplab boʻshliqlar mavjud: masalan, bolalar uchun dorilar, ularning ambulator sharoitda qabul qilish uchun qulayroq boʻlgan peroral shakllari yoki oʻsib borayotgan doriga chidamlilikka qarshi kurashadigan turlari mavjud emas. Shunga qaramay, bakteriofaglar, antitanalar, antivirulent va immunomodulyator dorilar kabi noanʼanaviy biologik vositalarga, shuningdek, antibiotiklarni toʻldiruvchi yoki muqobil sifatida mikrobiomni modulyatsiya qiluvchi preparatlarga eʼtiborning kuchayishi biroz umid bagʻishlaydi. Shu bilan birga, ushbu dorilarni klinik amaliyotda qachon va qanday qoʻllash mumkinligini aniqlash uchun klinik tadqiqotlar oʻtkazish talab etiladi. Hisobotda taʼkidlanganidek, ishlab chiqilayotgan yangi antibakterial preparatlar haqidagi maʼlumotlarning shaffofligini oshirish potensial innovatsion boʻlgan, ammo qiyin loyihalar boʻyicha hamkorlikning rivojlanishiga olib kelishi, olimlar va ishlab chiquvchilarga yordam berishi hamda yangi antibakterial vositalarni yaratishga katta qiziqish uygʻotishi mumkin. 

  • 21 Iyun, 08:55
  • Batafsil
Нажмите на кнопку ниже, чтобы прослушать текст Powered by GSpeech