Индонезияда болалар ўлимига сабаб бўлган йўтал сиропларининг келиб чиқиши аниқланди
Индонезиялик болаларнинг заҳарли йўтал сироплари туфайли ўлимида совун таркибий қисмларини етказиб берувчи маҳаллий корхона - CV Samudera Chemical айбланди. Бу ҳақда Индонезия судида кўриб чиқилаётган ишнинг илгари эълон қилинмаган материалларига таяниб, Reuters хабар берди.
Шундай қилиб, биринчи марта йўтал сиропларида токсик таркибий қисмлардан фойдаланишга олиб келган ҳодисалар занжири аниқланди. 2021 йилда, сиропли дори-дармонлар учун асосий асос бўлган пропилен гликолнинг глобал тақчиллиги даврида CV Samudera Chemical саноат даражасидаги этилен гликолни пропилен гликол сифатида сотишни бошлаган.
Компания интернетда топилган йирик пропилен гликол етказиб берувчиси Dow Chemical Thailandд логотипини юклаб олиб, уни этилен гликол бочкаларида ишлатган. Бундан бочкалар дистрибютор CV Anugerah Perdana Gemilang томонидан бир неча ой давомида- 2022 йил майигача сотилган. Aйтилишича, компания бу маҳсулот дори воситаларида қўлланилишини билмаган.
Этилен гликол, хусусан, автомобиллар учун антифриз ва музга қарши эритмалар ишлаб чиқариш учун ишлатилади. Ютиб юборилса, ўткир буйрак шикастланишига олиб келиши мумкин. Шунга қарамасдан CV Anugerah Perdana Gemilang сохтасохта пропилен гликолнинг бир нечта партияларининг таркибий қисмларини таҳлил қилгандан сўнг синовсиз фармацевтикда фойдаланиш рухсат берувчи сифат сертификатларини берди.
Кейин хом ашё доривор ингредиентлар етказиб берувчи Afi Farma компаниясига топширилди, шундай кейин йўтал сиропининг даҳшатли 70 та партиясида қўлланилди. Кейинчалик синовлар шуни кўрсатдики, сироплар 99% гача этилен гликолни ўз ичига олади, Жаҳон соғлиқни сақлаш ташкилоти томонидан белгиланган хавфсизлик чегараси эса 0,1% ни ташкил қилади.
Эслатиб ўтамиз, ўтган йили Гамбия, Индонезия ва Ўзбекистонда ёш болалар турли ишлаб чиқарувчилар, жумладан, Ҳиндистон ва Индонезия ишлаб чиқарувчиларининг йўтал сиропларидан фойдаланиш оқибатида вафот этган эди. 2023 йилнинг ёзида ЖССТ Aфриканинг Камерундаги дорихоналарида Naturcold савдо белгиси остида заҳарли йўтал сиропи сотилганини аниқлаган. Маҳсулот таркибида диэтиленгликолнинг одатдагидан анча юқори миқдори мавжуд.
- 24 Ноябрь, 14:04
-
Батафсил
