Пенсильвания университети қошидаги Перельман тиббиёт мактабининг мутахассислари гуруҳи оддий оғриқ қолдирувчи лидокаин саратон ҳужайраларини йўқ қилиши мумкинлигини аниқлади. Иш натижалари Cell Reports журналида чоп этилган мақолада тасвирланган.

Клиникадан олдинги тадқиқотда муаллифлар лидокаиннинг бош ва бўйин саратони ҳужайралари намуналарига таъсирини ўрганиб чиқдилар. Маълум бўлишича, модда саратон ҳужайраларида даражаси ошган T2R14 аччиқ таъм рецепторини фаоллаштиради. Ушбу рецептор танага оғиздаги аччиқ таъмни ҳис қилишига ёрдам беради, аммо унинг бошқа ҳужайралардаги функцияси ноаниқ бўлиб қолмоқда.

T2R14 рецепторлари фаоллашганда, у ўсимта ҳужайраларининг йўқ бўлишига олиб келадиган апоптоз жараёнини қўзғатади. Бу икки механизм орқали содир бўлади. Биринчиси, митохондрияларнинг (ҳужайраларнинг энергия "станциялари") калций ионлари билан тўйинади ва бу биомолекулаларга зарар етказадиган реактив кислород турлари (эркин радикаллар) шаклланишига олиб келади. Иккинчиси - протеасомаларнинг бостирилиши ҳужайра ўлимига олиб келади.

Олимлар маҳаллий оғриқсизлантириш саратон билан оғриган беморларга ижобий таъсир кўрсатишини аллақачон тахмин қилишган, аммо улар нима учун бу содир бўлаётганини тушунтира олмаганлар. Бу кашфиёт саратонга қарши курашнинг қўшимча воситасига айланиши мумкин. Энг муҳими, лидокаин аллақачон хавфсиз фойдаланиш учун тасдиқланган ва барча дорихоналарда топса бўладиган препаратдир.