Pensilvaniya universiteti qoshidagi Perelman tibbiyot maktabining mutaxassislari guruhi oddiy ogʼriq qoldiruvchi lidokain saraton hujayralarini yoʼq qilishi mumkinligini aniqladi. Ish natijalari Cell Reports jurnalida chop etilgan maqolada tasvirlangan.

Klinikadan oldingi tadqiqotda mualliflar lidokainning bosh va boʼyin saratoni hujayralari namunalariga taʼsirini oʼrganib chiqdilar. Maʼlum boʼlishicha, modda saraton hujayralarida darajasi oshgan T2R14 achchiq taʼm retseptorini faollashtiradi. Ushbu retseptor tanaga ogʼizdagi achchiq taʼmni his qilishiga yordam beradi, ammo uning boshqa hujayralardagi funktsiyasi noaniq boʼlib qolmoqda.

T2R14 retseptorlari faollashganda, u oʼsimta hujayralarining yoʼq boʼlishiga olib keladigan apoptoz jarayonini qoʼzgʼatadi. Bu ikki mexanizm orqali sodir boʼladi. Birinchisi, mitoxondriyalarning (hujayralarning energiya "stantsiyalari") kaltsiy ionlari bilan toʼyinadi va bu biomolekulalarga zarar yetkazadigan reaktiv kislorod turlari (erkin radikallar) shakllanishiga olib keladi. Ikkinchisi - proteasomalarning bostirilishi hujayra oʼlimiga olib keladi.

Olimlar mahalliy ogʼriqsizlantirish saraton bilan ogʼrigan bemorlarga ijobiy taʼsir koʼrsatishini allaqachon taxmin qilishgan, ammo ular nima uchun bu sodir boʼlayotganini tushuntira olmaganlar. Bu kashfiyot saratonga qarshi kurashning qoʼshimcha vositasiga aylanishi mumkin. Eng muhimi, lidokain allaqachon xavfsiz foydalanish uchun tasdiqlangan va barcha dorixonalarda topsa boʼladigan preparatdir.