Bolalar uchun nonushta qilmaslikning zarari aniqlandi
Buyuk Britaniyadagi Angliyaning Raskin universiteti (ARU) va Meksikadagi de las Americas universiteti olimlari bolalar uchun nonushtani o‘tkazib yuborishning zararini aniqlashdi.
BMC Nutrition Journal jurnalida chop etilgan tadqiqot natijalariga ko‘ra, bu ruhiy muammolar va kattalar hayotida qiyinchiliklarga olib kelishi mumkin.
Tadqiqotda 42 mamlakatdan 10 yoshdan 17 yoshgacha bo‘lgan 150 000 dan ortiq bolalar va o‘smirlar ishtirok etdi. Nonushta qilish doimiyligi hayotdan qoniqish darajasi bilan bog‘liqligi aniqlandi: har kuni nonushta qiladigan bolalarda qoniqish darajasi eng yuqori, hech qachon nonushta qilmaydigan bolalarda esa eng past.
Turli mamlakatlarda hayotdan qoniqish darajasi turlicha bo‘lgan. Masalan, Portugaliyada har kuni nonushta qilgan bolalar hayotdan qoniqish darajasining eng yuqori ko‘rsatkichga ega bo‘lishgan, Ruminiyada esa hech qachon nonushta qilmagan bolalar eng past ko‘rsatkichga ega bo‘lishgan.
Bundan tashqari, har kuni nonushta qiladigan odamlar orasida ham mamlakatlar o‘rtasida farqlar borligi ma’lum bo‘ldi. Shunday qilib, muntazam ravishda nonushta qiladigan Angliyadagi bolalar Ruminiya, Vengriya, Germaniya va Avstriyaga yutqazib, barcha mamlakatlar orasida hayotdan qoniqish darajasining eng past ko‘rsatkichini namoyish etdilar.
Olimlarning ta’kidlashicha, muntazam nonushta qilish nafaqat organizmni zarur energiya va oziq moddalar bilan ta’minlaydi, balki kognitiv funksiyalarni, shu jumladan, diqqatni jamlash va o‘rganish qobiliyatini yaxshilashga yordam beradi.
