Bosh prokuratura huzuridagi Departamentning Gʼuzor tuman boʼlimi tomonidan oʼtkazilgan tezkor tadbirda tadbirkor T.J.ning sport buyumlari sotishga moʼljallangan savdo doʼkoni sotuvchisi B.N. jami 400 dona kuchli taʼsir qiluvchi dori vositalarini hamda 1 dona paketdagi kukunsimon moddani fuqaro А.А.ga 1,1 mln soʼmga sotgan vaqtida ashyoviy dalillar bilan ushlangan.

Shu kabi, Departamentning Zarafshon shahri boʼlimi tomonidan oʼtkazilgan tezkor tadbirda “F-F.” MChJga dorixonasi sotuvchisi Z.M. fuqaro I.T.ga shifokor retseptisiz 50 ta kapsuladagi “Reduksin” nomli kuchli taʼsir qiluvchi dori vositasini 1 mln soʼmga sotgan vaqtida ashyoviy dalillar bilan ushlangan.

Mazkur holatlar yuzasidan Jinoyat kodeksining 251-1-moddasi (kuchli taʼsir qiluvchi yoki zaharli moddalarni qonunga xilof ravishda muomalaga kiritish) bilan jinoyat ishlari qoʼzgʼatilib, tergov harakatlari oʼtkazilmoqda.