Mutaxassis: Uzoq oʼtirib ishlash qon-tomirlarning siqilishiga sabab boʼladi va yurakka zarar yetkazadi
Preventolog Vanessa Prints uzoq vaqt harakatsiz ishlashning salomatlik uchun xavfliligi haqida ogohlantirdi va uning organizmga zararli taʼsirini kamaytirish boʼyicha maslahatlar berdi.
"Agar odamning harakatsiz holati uch soatdan ortiq davom etsa, bu sogʼliq uchun xavflidir."
Shifokorning taʼkidlashicha, oʼtirgan holda uzoq vaqt ishlash qon tomirlarining siqilishiga va qon oqimining buzilishiga olib keladi, bu limfa turgʼunligiga va oyoqlarda shish paydo boʼlishiga olib keladi. Bunday faoliyat yurakka jiddiy zarar yetkazadi.
"Oʼtirish uzoqroq uxlash yoki yotoqda yotishdan koʼra yurak uchun xavfliroq va qon tomirlariga koʼproq zararli taʼsir koʼrsatadi", dedi mutaxassis.
Shifokorning aniqlik kiritishicha, oʼtirish yurak-qon tomir tizimiga tushadigan ogʼirlikni oshiradi, ortiqcha vazn, xolesterin va qondagi qand miqdorining koʼtarilishi kabi muammolar ham harakatsiz vaqt bilan chambarchas bogʼliq.
Uzoq vaqt davomida oʼtirgan holda ishlash qon tomirlarining xavfli siqilishiga olib kelmasligi uchun vaqti-vaqti bilan tanangizning holatini oʼzgartirishingiz kerak, dedi ekspert.
Sevimli joyingizdan har 20 yoki 30 daqiqada turishingiz kerak, shuningdek, kun davomida mashqlar qilish, choʼzilish, zinapoyada yurish va toza havoda sayr qilish foydalidir. Yana bir tibbiy maslahat - vaqti-vaqti bilan tik turgan holda ishlash.
Goh tik turib, goh oʼtirib ishlash kaloriya sarfini oshiradi, qon oqimini yaxshilaydi, mushak-skelet tizimi uchun noqulaylikni kamaytiradi. Kuniga 30-45 daqiqadan boshlagan maʼqul, bu vaqt oraligʼini asta-sekin 2 soatgacha oshirish mumkin.
