Dunyoda birinchi boʻlib oʻtkazilgan klinik sinov revmatoid artritni davolashda keng qoʻllaniladigan  dori baritsitinib yangi tashxis qoʻyilgan bemorlarda 1-toifa diabetning rivojlanishini toʻxtatishi mumkinligini koʻrsatdi. 

Avstraliyaning Melburn shahridagi Sent-Vinsent tibbiy tadqiqotlar instituti olimlari baritsitinib organizmda insulin ishlab chiqarishni saqlab qolishi mumkinligini aniqladi.

Ular ushbu kashfiyotni kasallikni nazorat qilish va davolashda "katta qadam" deb taʼrifladilar va ular bu ish "1-toifa diabetni nazorat qilish qobiliyatini tubdan yaxshilashini vaʼda qilmoqda".

Tadqiqotda 10 yoshdan 30 yoshgacha boʻlgan 91 bemor ishtirok etdi. Ulardan 60 tasi baritsitinib, qolganlari platsebo qabul qilishdi. Barcha bemorlarga soʻnggi 100 kun ichida 1-toifa diabet tashxisi qoʻyilgan va tadqiqot davomida insulin terapiyasi olayotgan edi.

Natijalar shuni koʻrsatdiki, baritsitinibni qabul qilgan guruh ishtirokchilar organizmining oʻzi insulin ishlab chiqarishini samarali saqlab qolishga va 1-toifa diabetning rivojlanishini bostirishga muvaffaq boʻlishdi. Shu sabab ular davolanish paytida sezilarli darajada kamroq insulin talab qildilar.

Doktor Fey Rayli tadqiqot aloqalari boʻyicha menejeri: Bu natijalar shuni koʻrsatadiki, 1-toifa diabetning ildiziga - immunitet tizimiga hujumga yoʻnaltirilgan holda, preparat 1-toifa diabetga yangi tashxis qoʻyilgan odamlarda oshqozon osti bezini himoya qilishga yordam beradi, shuning uchun u iloji boricha koʻproq insulin ishlab chiqaradi.

Bu qondagi shakar miqdorini barqarorroq ushlab turishi va kelajakda diabetning jiddiy asoratlaridan himoya qilishi mumkin.