10:00 (03.12.2024)
631
"Нанолек" ва "GC Biopharma" компанияси томонидан сувчечакка қарши вакцина ишлаб чиқилди
"Нанолек" биофармацевтика компанияси Жанубий Кореянинг "GC Biopharma" биофармацевтика компанияси билан ҳамкорликда ишлаб чиқилган сувчечакка қарши янги вакцинанинг клиник тадқиқотини ўтказиш учун Россия Соғлиқни сақлаш вазирлигига ариза топширди.
Янги дори воситасини рўйхатдан ўтказиш клиник тадқиқот якунланганидан кейин бир йил ичида - 2026-йил охири - 2027-йил бошида амалга оширилиши кутилмоқда, дея аниқлик киритди компания матбуот хизмати.
Синовларда Россия Соғлиқни сақлаш вазирлиги Сеченов университетининг Болалар саломатлиги клиник институти, Педиатрия ва болалар саломатлигини муҳофаза қилиш илмий-тадқиқот институти ва Болалар инфекцион касалликлари илмий-клиник маркази каби саккизта тадқиқот маркази иштирок этади.
Сувчечак дунёдаги энг кенг тарқалган инфекциялардан биридир. У айниқса бир ёшгача бўлган болалар ва катталарда оғир асоратларни келтириб чиқариши мумкин. 2035-йилгача бўлган даврда юқумли касалликлар иммунопрофилактикасини ривожлантириш стратегиясини амалга ошириш бўйича чора-тадбирлар режасига мувофиқ, 2027-йилда профилактик эмлашлар миллий тақвимига сувчечакка қарши эмлашни киритиш режалаштирилган.
